काठमाडौंको मुटु बागबजारमा अवस्थित काठमाडौं मोडल कलेजमा यतिबेला कक्षा ११ मा विद्यार्थी भर्नाको चाप छ । विश्वभर फैलिरहेको कोरोना महामारीका कारण नेपालका शैक्षिक संस्थाहरु धरासयीमात्र बनेनन् कतिपय निजी शैक्षिक संस्थाहरु बन्द हुने अवस्थामा पुगेका छन् । तर, काठमाडौं मोडल कलेज, बागबजारमा भने कोरोना महामारीको बीचमै पनि विद्यार्थी भर्ना विगतको जस्तै छ ।
यसवर्ष विगतको तुलनामा एसईई परीक्षाको नतिजा फरक ढंगले तयार भयो । स्वयंम विद्यालयले नै विद्यार्थीको आन्तरिक मूल्यांकनको आधारमा नतिजा तयार पारेको हुनाले राम्रा विद्यार्थी छनोट गर्न साच्चै निजी कलेजहरुलाई कठिन परेको छ । आखिर यो विषम परिस्थितीमा पनि केएमसीले कसरी विद्यार्थी भर्ना लिइरहेको छ ? काठमाडौं मोडल सेकेन्डरी स्कुलका प्रिन्सिपल डा. नगेन्द्र अर्याल भन्छन्, ‘पहिलो त हामीले अनलाइनमार्फत प्रवेश परीक्षा लिएका छौं । साथै एसईईको जीपीए र सेन्ट अप परीक्षा दिएका विद्यार्थीहरुको सेन्ट अप परीक्षाबाट प्राप्त जीपीए र सेन्ट अप परीक्षा नभएकाहरुलाई प्रवेश परीक्षाको आधारमा छनोट गरिरहेका छौं ।’
सन् २००२ मा स्थापना भएको यस स्कुलले विज्ञान, व्यवस्थापन, मानविकी र कानून संकायमा विद्यार्थी भर्ना लिइरहेको छ । जसका लागि १० हजारभन्दा बढी विद्यार्थीले प्रवेश परीक्षाका लागि फर्म भरेका थिए । तीमध्ये योग्य २ हजार विद्यार्थीमात्र भर्ना लिइने कलेजले जनाएको छ । जसका लागि विज्ञान संकायमा १ हजार ६ सय, व्यवस्थापन संकायमा ४ सय, कानुनमा ४० र मानविकी संकायमा ४० जना विद्यार्थीलाई भर्ना लिइदैछ ।
स्कुलले विगतको तुलनामा परिस्थितीलाई मध्यनजर गर्दै भर्ना शुल्कमा केही परिमार्जन गरेको छ । विज्ञान संकायमा भर्ना हुने विद्यार्थीले ५७ हजार ५ सय र अन्य संकायका विद्यार्थीले ४२ हजार ५ सय शुल्क तिर्नुपर्नेछ । यस्तै, विज्ञान संकायमा अध्ययन गर्ने विद्यार्थीले मासिक शुल्क ७ हजार ४ सय छ भने अन्य संकायमा अध्ययन गर्ने विद्यार्थीका लागि ५ हजार ५ सय शुल्क निर्धारण गरिएको छ । केएमसीले यतिबेला अनलाइन बैंकिङमार्फत विद्यार्थी भर्ना लिइरहेको छ ।
कक्षा ११ र १२ का परीक्षाको नतिजामा विगत केही वर्ष यता टप ५ भित्र परेको यो स्कुल देशभरका विद्यार्थी तथा अभिभावकको रोजाइमा पर्दै आएको छ । यही रोजाइ र वर्षेनी सर्वोत्कृष्ट नतिजाका कारण ०७४ मा शिक्षा मन्त्रालयले सर्वोत्कृष्ट उच्च माविका रुपमा पुरस्कृत गरेको थियो । त्यसो त यहाँ कोभिड–१९ महामारीको बीचमा पनि विद्यार्थी भर्ना चाप निकै बढिरहेको छ, किन ? डा. अर्याल भन्छन्, ‘पहिलो कारण त यहाँको अनुशासित वातावरणमा प्रदान गरिने गुणस्तरीय शिक्षा नै हो । अर्को कुरा, यस स्कुलबाट कक्षा १२ उत्तीर्ण गरे पश्चात निकै प्रतिस्पर्धा हुने एमबीबीएस, बीई, सिए फाउन्डेसन लगायतका प्रवेश परीक्षामा उच्चतम अंकसहित केएमसीका धेरै विद्यार्थीले नाम निकाल्न सफल हुन्छन् । जसका लागि स्कुलले एमबीबीएस, बीई, सिए फाउन्डेसनलगायतका प्रवेश परीक्षाका तयारी कक्षाहरु बिना शुल्क सञ्चालन गर्दै आएको छ ।
यसैगरी, अनुभवी र मिहिनेती शिक्षक, विश्व स्तरीय भवन, ल्याव, कक्षाकोठा, पुस्तकालय, क्यान्टिन, खेल मैदान विद्यार्थी तथा अभिभावकलाई आकर्षित गर्ने अर्को विशेषता हुन् । यिनै विशेषताले गर्दा नै काठमाडौं मोडल सेकेन्डरी स्कुललाई अब्बल बनाएको प्रिन्सिपल डा. अर्याल बताउँछन् । ‘सक्षम व्यवस्थापकीय पक्ष, समय सान्दर्भिक भौतिक पूर्वाधार एवं शिक्षण सिकाइलाई प्रभावकारी बनाउनका लागि मल्टीमिडिया प्रणाली प्रयोग गरिएको छ,’ उनले भने, ‘विद्यार्थीको समस्याको पहिचान तथा समाधान गर्नमा सहयोग गर्ने तथा उनीहरुको रुचीलाई ध्यान दिँदै आवश्यकता अनुसार तयारी कक्षाहरुको व्यवस्था गराउनु नै हाम्रो सफलताको रहस्य हो ।’
-एडभोटोरियल
ताजा अपडेट
- एसईई परीक्षा सुरु, ३५ प्रतिशत अंक नल्याए फेल
- अब एउटै संस्थाले पीसीएल र स्नातक तहको नर्सिङ कार्यक्रम सञ्चालन गर्न पाउने
- गुणस्तरीय जनशक्ति उत्पादनमा जोड दिऔँ : प्रधानमन्त्री
- के चैतभित्रै विद्यालयमा पुग्ला त पुस्तक ?
- चैत १५ गतेबाट सुरु हुने एसईईमा ५ लाख विद्यार्थी सहभागि हुँदै, २ हजार परीक्षा केन्द्र तोकियो
- सेन्ट लरेन्सलाई ‘कलेज अफ दि इयर’ एवार्ड
- त्रिविले सच्याएर पुनः सार्वजनिक गर्यो स्नातक तह दोस्रो वर्षको परीक्षा तालिका
- बालेनको एक्सन : अब विद्यालयका सटरको भाडा सम्झौता नवीकरण नहुने
धेरैले पढेको
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- आफ्ना दर्जन कवितासँगै गुञ्जिइन् जयन्ती ‘स्पन्दन’
- सेन्ट लरेन्सलाई ‘कलेज अफ दि इयर’ एवार्ड
- NSL Nepal Open International Pickleball Tournament 2024: A Success Story
- त्रिभुवन विश्वविद्यालयको उपकुलपतिमा प्रा.डा. बराल नियुक्त, यस्तो छ उनको पृष्ठभूमी
- कस्तो हुनुपर्छ जनप्रतिनिधि ?
- कक्षा १२ को वार्षिक परीक्षा तालिका सार्वजनिक, कुन दिन केको परीक्षा ?
तपाईको प्रतिक्रिया