कक्षा ८ को परीक्षामा उत्कृष्ट नतिजासहित चिरायु एकेडेमी शंखरापुर नगरपालिकामै प्रथम
काठमाडौं । शंखरापुर नगरपालिकाद्वारा सञ्चालन गरिएको कक्षा ८ को आधारभूत तह परीक्षा (बिएलई)मा इन्द्रायणीस्थित चिरायु एजुकेशनल एकेडेमीले सर्वोत्कृष्ट नतिजा हासिल गरेको छ।
नगरपालिकाका शिक्षा शाखा प्रमुख हेमन्तकुमार बुढाथोकीका अनुसार चिरायु एजुकेशनल एकेडेमीले औसत ३.६१ जीपीए प्राप्त गर्दै संस्थागत विद्यालयतर्फ प्रथम स्थान हासिल गरेको हो।
विद्यालयबाट यस वर्ष २१ जना विद्यार्थी परीक्षामा सहभागी भएका थिए। जसमध्ये अस्मिता पुडासैनीले ३.९१ जीपीए ल्याउँदै नगरपालिकाभर प्रथम बनेकी हुन्। विद्यालयका प्रिन्सिपल शिवप्रसाद देवकोटाका अनुसार चिरायुका ११ जना विद्यार्थीले ए प्लस र १० जनाले ए ग्रेड प्राप्त गरेका छन्।
नगरपालिकाले चैत ५ गतेदेखि १२ गतेसम्म सञ्चालन गरेको परीक्षामा २३ वटा विद्यालयका ५१५ विद्यार्थी सहभागी भएका थिए। सामुदायिक विद्यालयतर्फ भने भगवती माध्यमिक विद्यालय प्रथम भएको छ।
सामुदायिक विद्यालयतर्फ छात्रामा मनिषा श्रेष्ठले ३.७४ जीपीए प्राप्त गर्दै प्रथम बनेकी हुन् भने छात्रतर्फ भाग्योदय माध्यमिक विद्यालयका अर्जुन तामाङले ३.८५ जीपीएसहित प्रथम स्थान हासिल गरेका छन्। संस्थागत विद्यालयतर्फ छात्रतर्फ भने जहरसिंहपौवास्थित हिलसाइड एकेडेमीका धनबहादुरले ३.७७ जीपीएसहित प्रथम स्थान प्राप्त गरेका छन्।
विद्यालयका प्रिन्सिपल देवकोटाले उत्कृष्ट नतिजाको श्रेय विद्यार्थीको मेहनत, शिक्षकको लगनशीलता र अभिभावकको सहयोगलाई दिएका छन्। उनका अनुसार विद्यालयले विद्यार्थी केन्द्रित सिकाइमा जोड दिँदै कमजोर विद्यार्थीलाई पहिचान गरेर विशेष सहयोग गर्ने गरेको छ।
ताजा अपडेट
- अरूको नाममा एसईई दिने नक्कली परीक्षार्थी मकवानपुरमा पक्राउ
- कक्षा ८ को परीक्षामा उत्कृष्ट नतिजासहित चिरायु एकेडेमी शंखरापुर नगरपालिकामै प्रथम
- आजबाट एसईई परीक्षा सुरु
- एसईई उत्तरपुस्तिका परीक्षणको नयाँ व्यवस्था: तीन दिनभित्र जाँचिसक्नुपर्ने, लापरवाही गरे कारबाही हुने
- एसईईको नयाँ निर्देशिका जारी: यस्तो छ केन्द्राध्यक्षको जिम्मेवारी
- भोलिदेखि एसईई परीक्षा, देशभर तयारी पूरा, परीक्षा सकिएको एक महिनाभित्र नतिजा
- २०५३ सालको एसएलसी टपर डा. बगाले भरतपुर अस्पतालको मेसुमा नियुक्त
- एक महिनाभित्र एसईई नतिजा ल्याउने कार्यविधि बोर्डबाट पास, बुधबार मन्त्रालयले प्रमाणीकरण गर्ने
धेरैले पढेको
- शिक्षामन्त्रीको एजेण्डाः इसिडी शिक्षक र विद्यालय कर्मचारीको पारिश्रमिक १९ हजार ५ सय पुर्याइने !
- शिक्षामा ‘सर्जरीको तयारी’: मन्त्री पोखरेलसामु तत्काल सुधारका ६ एजेन्डा !
- बालेन एक्सनः १५ दिनमै एसईईको नतिजा ,परीक्षा केन्द्रमै उत्तरपुस्तिका परीक्षण गर्ने तयारी
- वैशाख १ गतेदेखि इन्ट्रान्स तयारी कक्षा र ब्रिज कोर्सहरू बन्द गर्न शिक्षामन्त्रीको निर्देशन
- शिक्षक र प्राध्यापकलाई दलगत राजनीतिबाट टाढा राख्ने सरकारको तयारी
- कक्षा १२ का परीक्षा केन्द्र सार्वजनिक, गत वर्षकै ‘कपिपेष्ट’
- चौतर्फी विरोधपछि ब्याक भए शिक्षामन्त्री, विद्यालय तहका मात्रै इन्ट्रान्स तयारी कक्षा र ब्रिज कोर्स बन्द गर्ने निर्णय
- पूर्वप्रधानमन्त्री ओली र पूर्व गृहमन्त्री लेखक पक्राउपछि अब के हुन्छ ? कसरी अघि बढ्छ अनुसन्धान ?








तपाईको प्रतिक्रिया