बालाजुस्थित शितला मा.विमा वादविवाद प्रतियोगिता सम्पन्न

काठमाडौं । काठमाडौं महानगरपालिका वडा नं. १६ बालाजुस्थित शितला माध्यमिक विद्यालयमा वादविवाद प्रतियोगिता सम्पन्न भएको छ । हिजो शनिबार लायन्स क्लब अफ लायन्स बालाजु हाइट, डिवेट नेटवर्क नेपालको सहकार्यमा विद्यालयले वक्तृत्वकला प्रतियोगिता सम्पन्न भएको हो ।

प्रतियोगितामा शितला माविसहित सिद्धिगणेश माध्यमिक विद्यालय, तरुण माध्यमिक विद्यालय, ज्ञानमन्दिर माध्यमिक विद्यालय, गोरखकाली अंग्रेजी माध्यमिक विद्यालय, सृजना ज्ञानसागर माध्यमिक विद्यालय, विभुति माध्यमिक विद्यालय, सुनौलो क्षितिज माध्यमिक विद्यालय, काठमाडौ भ्याली माध्यमिक विद्यालय, स्याक्रेड हार्ट माध्यमिक विद्यालयका विद्यार्थीहरुको सहभागिता रहेको थियो ।

लायन्स क्लव अफ बालाजुहाइट काठमाडौंका अध्यक्ष शालिगराम पौडेलको सभापतित्वमा सम्पन्न सो प्रतियोगितामा तरुण मा.वि.का प्रतियोगी प्रथम र ज्ञानसागर मा.वि.का प्रतियोगी विद्यार्थी द्धितीय भएका थिए ।

विजेता टिमहरुलाइ शितला माध्यमिक विद्यालयका प्रधानाध्यापक लक्ष्मण श्रेष्ठ, लायन्स क्लव अफ बालाजु हाइटका अध्यक्ष शालिगराम पौडेल र डिवेट नेटओर्क नेपालका अध्यक्ष सशांक जोशीले मेडल तथा प्रमाणपत्र वितरण गरेका थिए । सो कार्यक्रममा सहभागि १२ वटै विद्यालयहरुलाई सभागिताका लागि धन्यवाद व्यक्त गर्दै विद्यालय तथा विद्यार्थीहरुलाई प्रसंशा पत्र प्रदान गरिएको थियो ।

विद्यालयका प्रधानाध्यापक श्रेष्ठले समापन समारोहमा शितला मा.वि. नियमित पठनपाठनका अलावा अतिरिक्त तथा सहकृयाकलापका लागि उचित गन्तव्यका रुपमा विकास हुदै गएको र यसका लागि स्थानीय अभिभावक, कम्युनिटी वेस्ट अर्गनाइजेसन, विभिन्न संघ संस्था, सरोकारवालाहरु, नीजि विद्यालयहरु, सामुदायिक विद्यालयहरु तथा महानगरपालिकाको सकृय सहयोग पाएको बताए ।