नेपाल खुला विश्वविद्यालयले ११ औं ग्राजुयट सम्मेलन गर्दै

काठमाडौं—नेपाल खुला विश्वविद्यालयले ११ औं ग्राजुयट सम्मेलन—हिमालयन नलेज कन्क्लेभ (एचकेसी) आयोजना गर्ने भएको छ । २३ चैत्रबाट काठमाडौंमा सुरु हुने उक्त सम्मेलन दुई दिनसम्म चल्नेछ ।

अन्य विश्वविद्यालय र शैक्षिक संस्थाहरुसँगको सहकार्यका सम्मेलन हुन लागेको हो । सम्मेलनका सचिव सत्यराज सुवालकाअनुसार ‘टु वार्ड सस्टेनेबिलिटीः ट्रेण्ड इन एजुकेशन, टेक्नोलोजिज एण्ड इन्भारोमेन्ट कन्भर्जेन्स फर सोसियो—इकोनोमीक ग्रोथ’ थिममा सम्मेलन सञ्चालन हुनेछ ।

उक्त सम्मेलनमा नेपालका विभिन्न विश्वविद्यालय, कलेज र शैक्षिक संस्थाका ग्राजुयट विद्यार्थी तथा युवा अनुसन्धानकर्ताले भाग लिन सक्नेछन् ।

नेपाल सरकार शिक्षा, विज्ञान तथा प्रविधी मन्त्रालयको संरक्षण तथा अग्रणी विश्वविद्यालय तथा अनुसन्धान संस्थाहरुसँगको सहकार्यमा आयोजना हुने यो वार्षिक सम्मेलनले विद्यार्थीहरुलाई आफ्नो अनुसन्धान प्रस्तुत गर्न, ज्ञान आदान—प्रदान गर्न र शिक्षा, प्रविधी र सामाजिक—आर्थिक वृद्धिका विषयमा छलफल गर्ने अवसर प्रदान गर्ने गरेको छ ।