साइपल एकेडेमीका केन्द्राध्यक्ष र सहायक केन्द्राध्यक्ष निष्काशन, विद्यार्थीको सबै विषयको परीक्षा रद्द

काठमाडौं– राष्ट्रिय परीक्षा बोर्डले सुकेधारास्थित साइपाल एकेडेमीका प्रिन्सिपल गणेश जोशी र सहायक प्रिन्सिपल संज्ञा खतिवडालाई केन्द्राध्यक्ष र सहायक केन्द्राध्यक्षको जिम्मेवारीबाट निष्काशन गरेको छ । एकेडेमीका प्रिन्सिपलसमेत रहेका जोशी र सहायक प्रिन्सिपल रहेकी खतिवडालाई बोर्डले केन्द्राध्यक्ष र सहायक केन्द्राध्यक्षबाट हटाएर अर्को केन्द्राध्यक्ष तोकेको हो ।

बिहिबार भएको कक्षा १२ ‘होटल म्यानेजमेन्ट’ विषयको परीक्षामा प्रश्नपत्र समय अगावै बाहिरिएको उनीहरुलाई महानगरीय प्रहरी वृत्त महाराजगञ्जको टोलीले पक्राउ गरेको थियो ।

विद्यार्थीलाई परीक्षा हलमा मोबाइल, स्मार्ट घडी लगायतका इलेक्ट्रोनिक डिभाइस लैजान प्रोत्साहन गरी प्रश्नपत्र समय अगावै पठाएको भेटिएपछि यतिबेला केन्द्राध्यक्ष र सहायक केन्द्राध्यक्षमाथि प्रहरीको नियन्त्रणमा छन् । परीक्षा हलमा मोबाइल फेला परेका विद्यार्थीहरुको भने सबै परीक्षा रद्द गरिएको बोर्डले जनाएको छ ।