शिक्षाशास्त्र सङ्काय चार वर्षे स्नातक तहमा भर्ना खुल्यो

काठमाडौँ । त्रिभुवन विश्वविद्यालय(त्रिवि)ले शिक्षाशास्त्र संकायअन्तर्गत चार वर्षे स्नातक तहका लागि भर्ना खुला गरेको छ । त्रिवि अन्तर्गत शिक्षाशास्त्र सङ्काय अन्तर्गतका क्याम्पसहरूमा चार वर्षे स्नातक तहमा नयाँ भर्ना खुला गरिएको हो ।

डीनको कार्यालयले आवश्यक मापदण्ड अनुसार असोज २१ गतेसम्म आवेदन लिन सम्बन्धन प्राप्त क्याम्पसहरूलाई आग्रह गरेको छ ।

जारी सूचनामा कात्तिक २४ गतेभित्र भर्ना गरिसक्न र मङ्सिर ५ गतेदेखि कक्षा सञ्चालन गर्न क्याम्पसहरूलाई निर्देशन दिइएको छ ।