काठमाडौं महानगरले सामुदायिक विद्यालयको शिक्षा सुधारका लागि ल्यायो यस्तो कार्यक्रम

काठमाडौं । काठमाडौं महानगरपालिकाले सामुदायिक विद्यालयको शिक्षा सुधारका लागि विभिन्न कार्यक्रम घोषणा गरेको छ । आइतबार नगरसभामा नीति तथा कार्यक्रम प्रस्तुत गर्दै महानगर प्रमुख बालेन साहले सामुदायिक विद्यालयमा डिजिटल कक्षा, स्टीम शिक्षा, स्पोर्टस एकेडेमीदेखि उद्यमशीलता क्लब स्थापना गर्ने घोषणा गरेका छन् ।

नीति तथा कार्यक्रम घोषणा गदैृ महानगर प्रमुख साहले सामुदायिक विद्यालयमा गुणस्तरीय र समावेशी शिक्षा प्रणाली विकास गर्ने गरी नयाँ शैक्षिक कार्यक्रम ल्याउने बताएका हुन् ।

त्यस्तै, विशेष आवश्यकता भएका विद्यार्थीलाई ध्यानमा राख्दै अपाङ्‍गता, अटिजम तथा फरक क्षमता भएका बालबालिकाका लागि छुट्टै विशेष शिक्षण केन्द्र र पहुँचअनुकूल पूर्वाधार निर्माण गर्ने महानगरको योजना छ ।

समग्र शैक्षिक सुधारका लागि सार्वजनिक पुस्तकालय र खुला अध्ययन केन्द्र स्थापना गरिने पनि उल्लेख गरिएको छ ।