खोटाङका तत्कालीन तीन जिल्ला शिक्षा अधिकारी विरुद्ध भ्रष्टाचार मुद्धा

काठमाडौं—अख्तियार दुरुपयोग अनुसन्धान आयोगले खोटाङका तत्कालीन तीन जना जिल्ला शिक्षा अधिकारी विरुद्ध भ्रष्टाचार मुद्दा दायर गरेको छ । आइतबार अख्तियार सार्वजनिक सम्पत्ति हानी नोक्सानी पु¥याएको भन्दैं तत्कालीन तीन जिल्ला शिक्षा अधिकारीसहित १३ जना विरुद्ध विशेष अदालतमा भ्रष्टाचार मुद्धा दायर गरेको हो ।

अख्तियारले तत्कालीन जिल्ला शिक्षा अधिकारी डा. गणेशप्रसाद भट्टराई, केशवप्रसाद दाहाल र ज्ञानमणि नेपाल विरुद्ध भ्रष्टाचार गरेको आरोपमा मुद्धा दायर गरेको हो । यसैगरी, प्रधानाध्यापक, विद्यालय व्यवस्थापन समितिका अध्यक्षसमेत १३ जनाविरूद्ध पनि भ्रष्टाचारको आरोपमा अख्तियारमा विशेषमा मुद्धा दायर गरेको हो ।

हलेसी तुवाचुङ नगरपालिका—४ स्थित श्री लक्ष्मी माध्यमिक विद्यालय, बडहरेको विद्यालय भवन निर्माण गर्दा तत्कालीन विद्यालय व्यवस्थापन समितिका अध्यक्षको मिलेमतोमा डीपीसी मात्र तयार गरी रकम हिनामिना गरेको आरोपमा उनीहरूविरूद्ध मुद्दा दायर भएको अख्तियारले जनाएको छ ।

उक्त भवन निर्माणमा मिलेमतो गरेको भन्दैं अख्तियारले जिल्ला शिक्षा अधिकारी डा. भट्टराईसँग १० लाख रुपैयाँ, दाहाल र नेपालसँग १४/१४ लाख रुपैयाँ, तत्कालीन लेखापाल सुरेशकुमार श्रेष्ठसँग २४ लाख रुपैयाँ र तत्कालीन सब—इन्जिनियर शिवराज राईसँग २४ लाख रुपैयाँ बिगो माग गरेको छ । यस्तै, प्राध्यानाध्यापक, विद्यालय व्यवस्थापन समितिका अध्यक्ष, लेखापाललाई अख्तियारले धरौटी माग गरेको छ ।