रिलायन्स कलेजले सीए कार्यक्रम सञ्चालन गर्दै

काठमाडौं । रिलायन्स कलेजले चार्टर्ड एकाउन्टेन्सी (सीए) कार्यक्रम सञ्चालनमा ल्याएको जनाएको छ । कलेजले आधुनिक सुविधा, अनुभवी शिक्षक तथा न्यून शुल्कसहित गुणस्तरीय शिक्षा प्रदान गर्ने उद्देश्यसहित कार्यक्रम सुरु गरेको हो । कलेजका अनुसार सीए अध्ययन सुरु गर्न कक्षा १२ को नतिजा पर्खिनु नपर्ने व्यवस्था गरिएको छ । कक्षा १२ को परीक्षा सकिएको एक साताभित्रै कक्षा सञ्चालन गरिने जानकारी दिइएको छ ।

विश्वभर प्रतिष्ठित तथा कम खर्चमा अध्ययन गर्न सकिने शैक्षिक कार्यक्रमका रूपमा चिनिने सीए अध्ययन रिलायन्सले आधुनिक ‘स्मार्ट कक्षाकोठा’मार्फत सञ्चालन गर्ने जनाएको छ । विद्यार्थीले कलेजका क्लब, क्याफेटेरिया, खेलकुद, पुस्तकालय तथा छात्रावासलगायतका सुविधा पनि उपयोग गर्न पाउनेछन् ।

कलेजले आफ्नै भवन तथा खेलमैदानसहित उत्कृष्ट शिक्षकमार्फत पठनपाठन गराइने उल्लेख गरेको छ । पहिलो ब्याच भएकाले शिक्षाशुल्क न्यून राखिएको तथा विभिन्न छुट सुविधा पनि उपलब्ध गराइएको कलेजले जनाएको छ ।

हाल कार्यक्रमको भर्ना खुलिसकेको र इच्छुक विद्यार्थी तथा अभिभावकलाई कलेज भ्रमण गरी विस्तृत जानकारी लिन आग्रह गरिएको छ ।