त्रिविद्वारा बीबीएस दोस्रो वर्षको नतिजा सार्वजनिक, यस्तो छ रिजल्ट हेर्ने तरिका

काठमाडौं । त्रिभुवन विश्वविद्यालयले बीबीएस दोस्रो वर्षको नतिजा सार्वजनिक गरेको छ । त्रिविको परीक्षा नियन्त्रण कार्यालयले आज साँझ चार वर्षे बीबीएस दोस्रो वर्षको नतिजा सार्वजनिक गरेको हो ।

परीक्षा भएको वर्षदिन बित्न लाग्दासमेत नतिजा सार्वजनिक नहुँदा त्रिविको कार्यसम्पादन शैलीको चर्को आलोचना भएको थियो ।

यसअघि त्रिविले असार २४ गने बिए दोस्रो वर्षको नतिजा निकालेको थियो । आज सार्वजनिक नतिजा विश्वविद्यालयको परीक्षा नियन्त्रण कार्यालयको www.tuexam.edu.np मा गएर हेर्न सकिन्छ ।

यसैगरी, एसएमएसमार्फत पनि नतिजा हेर्न सकिनेछ । जसका लागि भने 4BBS(Space) Symbol number टाइप गरेर ३३६२४ मा एसएमएस गर्नुपर्ने हुन्छ । जसबाट प्राप्तांकसमेत प्राप्त हुने त्रिविले जनाएको छ ।