काठमाडौं मोडल कलेजले पायो क्युएए प्रमाणपत्र

काठमाडौं मोडल कलेज (केएसी) ले गुणस्तर सुनिश्चितता तथा प्रत्यायन (क्यूएए) को प्रमाणपत्र प्राप्त गरेको छ , केएमसीलाई विश्वविद्यालय अनुदान आयोगले गुणस्तर सुनिश्चितता तथा प्रत्यायन (क्युएए) प्रमाणपत्र प्रदान गरेको हो ।
अन्तर्राष्ट्रिय विद्याथीलाई आकर्षण गर्ने, अटोनमस कार्यक्रम सञ्चालन गर्ने, आवासीय सुविधा सहित उत्कृष्ट शैक्षिक वातावरण प्रदान गर्ने र मानित विश्वविद्यालय सञ्चालन गर्ने लक्ष्यसहित कार्यक्रम सञ्चालन गर्दै आएको कलेजलाई क्युएए प्रदान गरेको हो ।
स्थापनाकालदेखि नै गुणस्तरीय शिक्षण सिकाइमा जोड दिँदै आएको केएमसी क्युएएबाट प्रमाणित हुने एक प्रतिशत भन्दा कम कलेज भित्र पर्न सफल भएको हो ।
क्युएएले नीति तथा योजनाको प्रावधान तथा कार्यान्वयन, पाठ्यक्रम तथा अतिरिक्त क्रियाकलापको प्रभावकारिता, गुणस्तरीय शिक्षण सिकाइ, उचित मूल्याङ्कन तथा कर्मचारीको क्षमता विकास, अनुसन्धान प्रवर्धन तथा सामुदायिक रुपमान्तरणका गतिविधिहरू सञ्चालन, पर्याप्त पूर्वाधार र सिकाइ स्रतहरूको उपलब्धता, विद्यार्थीको क्षमता अभिवृद्धि तथा रोजगारीको प्रवर्द्धन, संचार तथा प्रविधिको विकास, सूचना प्रवाह मार्फत सरोकारवालाप्रति जवाफदेहिता जस्ता महत्वपूर्ण पाटोहरूमा शैक्षिक संस्थाको खास अवस्था मूल्याङ्कन गरि प्रमाणित गर्ने गरेको छ ।
आयोगले तोकेका सबै मापदण्डहरू पुरा गरी केएमसीलाई आयोगद्धारा क्युएए प्रदान गरेको छ । राष्ट्रिय तथा अन्तर्राष्ट्रिय विज्ञहरूको टोलीले विस्तृत तथा श्रृंखलाबद्ध अनुगमन र मूल्याङ्कनपछि आयोगले केएमसी लाई क्युएए प्रमाणित भएको घोषणा गरेको हो ।
सरकारले राष्ट्रिय शिक्षा नीति २०७६ मा गुणस्तर सुनिश्चित गर्न असफल हुने शैक्षिक संस्थाहरुलाई बन्द गर्ने प्रावधान उल्लेख गरेको छ । विसं २०६४ सालबाट विश्वविद्यालय अनुदान आयोग मार्फत औपचारिक रुपमा विश्वविद्यालय तथा कलेजहरुलाई क्युएए प्रमाणित गर्न सुरु गरेको हो ।
यो प्रमाणीकरणसँगै केएमसीका विद्यार्थीहरूले राष्ट्रिय तथा अन्तर्राष्ट्रिय स्तरका उत्कृष्ट विश्वविद्यालयहरूमा अध्ययनका लागि छात्रवृत्ति सहितका विशेष अवसर पाउनेछन् । यो सफलतासंगै सबैको साथ र सहयोगमा निकट भविष्यमा केएमसीलाई विश्वस्तरको उत्कृष्ट कलेजका रुपमा परिचित गराई समग्र मुलुकलाई नै गौरवान्वित बनाउने गरी अघि बढ्न थप उर्जा मिलेको कलेजले बताएको छ ।
ताजा अपडेट
- इतिहास रच्दै रिलायन्स कलेजले जित्यो राष्ट्रव्यापी वक्तृत्वकलामा प्रथम, द्वितिय र तृतिय पुरस्कार
- निमावि तह शिक्षक लाइसेन्स परीक्षाको नतिजा सार्वजनिक, कसरी हेर्ने नतिजा ?
- त्रिविको ४९ औँ दीक्षान्त समारोह : कहाँ र कहिले ?
- किन अझै रिहा भएनन् विपिन जोशी ?
- जब विव्यस अध्यक्ष आफैं कक्षाकोठामा गएर पढाउन थाले
- नेपालमा ४ हजार २२५ शिक्षक पद रिक्त रहेको विवरण सार्वजनिक
- स्नातकोत्तर शिक्षाशास्त्र संकायका लागि त्रिविले खुलायो भर्ना
- इजरायलबाट बेपत्ता भएका विपिन जोशी गाजा क्षेत्रमा सकुशल रहेको पुष्टि
धेरैले पढेको
- नेपालका २० अब्बल माविहरू
- त्रिविद्धारा स्नातक तह दोस्रो वर्षको रिजल्ट प्रकाशित
- त्रिविको लापरवाही : परीक्षा त्रिविको प्रश्नपत्र दिल्लीको !
- त्रिविले दीक्षान्त समारोह गर्दै, अनलाइनबाटै आवेदन दिन मिल्ने
- सार्वजनिक बिदाको दिन पठनपाठन गर्ने विद्यालयलाई महानगरले कारवाही गर्ने
- पिसिएल नर्सिङ, एचए र डिप्लोमा इन फार्मेसीको शुल्क वृद्धि रद्ध
- बालेनले सुधारे काठमाडौं महानगरभित्रका सामुदायिक विद्यालयमा एसईईको नतिजा
- सीटीइभीटीअन्तर्गतका प्राविधिक विषय : कुन विषयमा के छ सम्भावना, कति लाग्छ खर्च ?
तपाईको प्रतिक्रिया