कक्षा १२ मा कुन विषयमा कति विद्यार्थी फेल ?

काठमाडौं– राष्ट्रिय परीक्षा बोर्डले सोमबार सार्वजनिक गरेको नतिजाअनुसार सबैभन्दा धेरै अनिवार्य अंग्रेजी विषयमा विद्यार्थी अनुत्तीर्ण भएका छन् । बोर्डले सार्वजनिक गरेको नतिजा अनुसार ६६ हजार २ सय ७५ जना विद्यार्थी अनुत्तीर्ण भएका हुन् ।

त्यसपछि सबैभन्दा धेरै विद्यार्थी अकाउण्टमा अनुत्तीर्ण भएका छन् । उक्त विषयमा ४१ हजार २ सय ६३ जना विद्यार्थी अनुत्तीर्ण भएको बोर्डले जनाएको छ । त्यस्तै, सामाजिक अध्ययन तथा जीवनोपयोगी शिक्षा विषयमा ३३ हजार २१ जना विद्यार्थी अनुत्तीर्ण भएका छन् ।

यसैगरी, अनिवार्य नेपालीमा २८ हजार ३ सय ५६, अर्थशास्त्रमा १७ हजार ७५२ जना, इन्स्ट्रसनल पेडागोजीमा ११ हजार ५७९ जना, विजनेश स्टडिजमा १० हजार ८५ जना विद्यार्थी अनुत्तीर्ण भएका छन् । अनिवार्य गणितमा ९ हजार ५९३ जना, एजुकेशन एण्ड डेभलपमेन्टमा ६ हजार २४ जना, फिजिक्समा ५ हजार ६ सय ५२ जना, कम्प्युटर साइन्समा ५ हजार ५५५ जना अनुत्तीर्ण भएको बोर्डले जनाएको छ ।

कुन विषयमा कति विद्यार्थी फेल ?