हिसानको अध्यक्षसहित पदाधिकारीको लागि मतदान जारी, केन्द्रीय सदस्य सर्वसम्मत निर्वाचित

एजुकेशन समाचार पुस १२, २०८२ २१:५१

काठमाडौं । उच्च शिक्षालय तथा माध्यमिक विद्यालय संघ (हिसान)को नयाँ नेतृत्वका लागि मतदान जारी छ । हिसानको अध्यक्ष, बरिष्ठ उपाध्यक्ष, महासचिव, सचिव लगायतका पदमा यतिबेला मतदान भइरहेको छ ।

अध्यक्षमा लोकबहादुर भण्डारी र युवराज शर्माबीचमा प्रतिस्पर्धा रहेको छ । त्यस्तै, वरिष्ठ उपाध्यक्षमा ५ जना, महासचिवमा २ जना र सचिवमा ९ जना उम्मेदवारहरुबीच प्रतिस्पर्धा रहेको छ ।

बुढानिलकण्ठस्थित पार्क भिलेजमा शुक्रबारबाट हिसानको नवौँ महाधिवेशन जारी छ । हिसानको ५९ जना केन्द्रीय सदस्यहरु भने सर्वसम्मत निर्वाचित भएका छन् ।