बालेन शाहले के विषयमा गर्दैछन् पीएचडी ?

काठमाडौं । काठमाडौं विश्वविद्यालयले काठमाडौं महानगरपालिकाका मेयर बालेन शाहलाई पीएचडी अध्ययनका लागि फेलोसिप दिने निर्णय गरेको छ ।

मेयर शाहले शनिबार सामाजिक संजालमा फेलोसिपका लागि छनोट भएको भनी काठमाडौं विश्वविद्यालयले पठाएको पत्र शेयर गर्दै फेलोसिपका लागि छनोट भएको बताएका हुन् ।

काठमाडौं विश्वविद्यालयको सिभिल इन्जिनियरिङ विभागबाट पीएचडीका लागी आवेदन दिएका उनलाई विश्वविद्यालयले केयू रिचर्स फेलोसिपका लागि छनोट गरेको हो ।

काठमाडौं विश्वविद्यालयका अनुसार उनले एसोसिएट प्रोफेसर डा. श्यामसुन्दर खड्काको मातहतमा रहेर पीएचडी गर्ने भएका छन् । शाहले नेवा सम्पदा संरचनामा पीएचडी गर्ने भएका छन्। काठमाडौं विश्वविद्यालयले प्रदान गर्ने केयू रिसर्च फेलोसिपअन्तर्गत मेयर शाहले पीएचडी गर्न लागेका हुन्।

विश्वविद्यालयले फेलोसिप प्रदान गरेपछि सामाजिक सञ्जालमा उनले लेखेका छन्, ’मेरो पीएचडीको लागि फेलोशिप प्रदान गर्नुभएकोमा काठमाडौं विश्वविद्यालयलाई धन्यवाद। साथीहरू, अब ३ वर्षमा डा बालेन।’