३४२ वटा विद्यालयको अनुमति रद्ध गर्ने महानगरको चेतावनी, यस्तो छ विद्यालयको सूचि
![](https://ap-south-1.linodeobjects.com/educationsamachar/2023/06/mahanagar-and-balen.jpg)
काठमाडौं । काठमाडौं महानगरपालिकाले ३४२ वटा निजी तथा संस्थागत विद्यालयको अनुमति अथवा स्वीकृती रद्ध गर्ने चेतावनी दिएको छ । महानगरले पटक पटक सूचना जारी गर्दा पनि छात्रवृत्ति वितरणको विवरण पेस नगर्ने महानगरभित्रका ३४२ वटा विद्यालयलाई कारवाही गर्ने चेतावनी दिएको हो ।
महानगरले आफ्नो क्षेत्रभित्र रहेका संस्थागत तथा निजी विद्यालयलाई शैक्षिक सत्र २०८० मा कक्षा सम्मका विद्यार्थीलाई उपलब्ध गराउने छात्रवृत्तिको विवरण पेस गर्न भन्दै वैशाख २४ गते परिपत्र गरेको थियो । साथै, जेठ १० गते गोरखापत्रमा सूचना जारी गरी जेठ १५ गतेभित्र छात्रवृत्ति वितरण गरेको विवरण जेठ १६ गतेभित्र महानगरलाई बुझाउन सूचित गरेको थियो ।
उक्त सूचनाका आधारमा छात्रवृत्ति वितरण गरी सो को विवरण बुझाउने विद्यालयलाई महानगरले धन्यवादसमेत दिएको छ । तर, सूचनालाई अटेर गरी हालसम्म विवरण नबुझाउने विद्यालयलाई भने महानगरले कारवाही गर्ने धम्की दिएको हो ।
‘काठमाडौं महानगरको विद्यालय शिक्षा व्यवस्थापन नियमावली, २०७४ को नियम ५८ र ५९ एवंम् काठमाडौं महानगरपालिका शिक्षा ऐन, २०७५ को दफा ५० को उल्लंघन गरी हालसम्म छात्रवृत्ति वितरणको विवरण पेस नगर्ने तपसिलका विद्यालयले मिति २०८० साल जेठ २८ गतेभित्र नियमानुसार छात्रवृत्ति वितरण गरी सोको विवरण पेस नगरेमा काठमाडौँ महानगरपालिका शिक्षा ऐन, २०७५ को दफा ५६ को उपदफा ४ बमोजिम विद्यालयलाई प्रदान गरिएको अनुमति वा स्वीकृति रद्द वा यस ऐन वा अन्य प्रचलित कानून बमोजिम हदै सम्मको कारबाही गरिने व्यहोरा सम्बन्धित सबैलाई सूचित गरिन्छ,’ महानगरद्वारा जारी सूचनामा उल्लेख छ ।
महानगरका प्रमुख बालेन शाह काठमाडौं महानगरपालिकामा भित्र अध्ययनरत विद्यार्थीले नियमअनुसार पाउनु पर्ने अधिकारको बारेमा गम्भीर रहेको बताउँछन् । ‘काठमाडौं महानगरपालिका विद्यालय शिक्षा व्यवस्थापन नियमावली, २०७४ को परिच्छेद १० मा छात्रवृत्ति तथा निःशुल्क शिक्षा सम्बन्धी व्यवस्था रहेको छ,’ उनले भने, ‘सो नियमावलीको नियम ५८ मा व्यवस्था भए अनुसार विद्यालयले छात्रवृत्ति उपलब्ध गराएको विद्यार्थीहरूको नामावली सार्वजनिक गर्नु पर्छ ।’
ताजा अपडेट
- हेल्पद्वारा कक्षा ११ र १२ अध्ययनका लागि ७२ जना विद्यार्थीलाई छात्रवृत्ति प्रदान
- ६ वर्षपछि विपीमा १९५ जना शिक्षकको एक तह बढुवा
- इन्टरनेशनल प्रसिडेन्ट फ्याब्रीसियोको उपस्थितिमा लायन्स डिष्ट्रिक्ट ३२५ ई नेपालको पहिलो बैठक सम्पन्न
- काठमाडौं महानगरद्वारा छात्रवृत्ति परीक्षाको नतिजा सार्वजनिक (नतिजासहित)
- दुई विषयसम्म अनुत्तीर्ण विद्यार्थीले मौका परीक्षा दिन पाउने त्रिभुवन विश्वविद्यालयको निर्णय
- बंगलादेशबाट १७ जना विद्यार्थी नेपाल आइपुगे, अरुको अवस्था के छ ?
- त्रिवि उप–प्राध्यापक छनौट : २०७७ सालमा विज्ञापन, ०८१ मा लिखित परीक्षा !
- को हुन् शिक्षामन्त्री विद्या भट्टराई ? यस्तो छ उनको पृष्ठभूमी
धेरैले पढेको
- नेपालका २५ अब्बल माविहरू (भिडियोसहित)
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- नतिजाका आधारमा देशभरकै टप ५ भित्र मनास्लु वर्ल्ड कलेज
- हजारौं कलेजको भीडमा साउथवेस्टन स्टेटलाई नै किन रोज्ने ?
- सेन्ट लरेन्सलाई ‘कलेज अफ दि इयर’ एवार्ड
तपाईको प्रतिक्रिया