राष्ट्रिय परीक्षा बोर्डद्धारा एसईईको परीक्षाफल प्रकाशित, ६१.८१ प्रतिशत विद्यार्थी ग्रेडेड

काठमाडौं-राष्ट्रिय परीक्षा बोर्डले माध्यमिक शिक्षा परीक्षा (एसईई)को परीक्षाफल प्रकाशित गरेको छ । शुक्रबार साँझ अबेर बोर्डले एसईईको परीक्षाफल प्रकाशित गरेको हो ।

जसमा ६१.८१ प्रतिशत विद्यार्थी ग्रेडेड भएका छन् । ३८.१९ प्रतिशत विद्यार्थी भने नन ग्रेडेड भएको बोर्डले जनाएको छ । २ लाख ७१ हजार २९९ विद्यार्थी ग्रेडेड हुँदा १ लाख ६७ हजार ५९७ विद्यार्थी नन ग्रेडेड भएका छन् ।

परीक्षाफलअनुसार ४८ हजार १७७ जना परीक्षार्थीले ३.६ देखि ४ जीपीए ल्याएका छन् । ८१ हजार ३८५ जना परीक्षार्थीले ३.२ देखि ३.६ जीपीए ८९ हजार १२४ जना परीक्षार्थीले २.८ देखि ३.२ जीपीए ल्याएका छन् ।

यस्तै, ४८ हजार ४७९ जना परीक्षार्थीले २.४ देखि २.८ जिपिए, ४ हजार १२६ जना विद्यार्थीले २ देखि २.४ जीपीए पाएका छन् भने ८ जना परीक्षार्थीले १.६० देखि २ जीपीएसम्म ल्याएका छन् । त्यस्तै, १२६ जनाको परीक्षा रद्ध गरिएको छ ।

यसवर्षको एसइईमा ५ लाख १४ हजार ७१ परीक्षार्थी सामेल थिए । गत वर्षको तुलनामा यस वर्षको परीक्षामा ४९ हजार २८६ जना बढी परीक्षार्थी सहभागी भएका हुन् । गतवर्षको एसइईमा चार लाख ६४ हजार ७८५ परीक्षार्थी सहभागी थिए ।