
काठमाडाै । बालाजुस्थित शितला माध्यमिक विद्यालयमा काठमाडौं महानगरपालिकाकी उपमेयर सुनिता डंगोलले कोड क्लबको उद्घाटन गरेकी छन् । गत शुक्रबार उपमेयर डंगोलले शितलामा कोड क्लबको उद्घाटन गरेकी हुन् ।
यो कोड क्लब नेपालकै पहिलो बिद्यालय कोड क्लब हो ।
शितला माविमा उपप्रमुख ज्युसँगै शिक्षा विभाग प्रमुख सिताराम कोइराला, शिक्षा सल्लाहकार रेशु ढुंगाना अर्याल, आइटी विज्ञ सगुन ढुंगाना लगायतको टोलीले सो विद्यालयको बुक फ्रि फ्राइडे, शिक्षामा सिप अन्तरगत ब्युटिशियन एण्ड हेयर स्टाईल, नियमित कक्षामा भइरहेका ह्याण्डस अन अन्तरगतका अन्य कार्यहरुको अनुगमन गरेका थिए ।
उक्त अनुगमनमा शितला स्कुलमा स्काउट, नेपाल भाषामा सङ्गीत, चित्र बनाउने सीप तालिम लगायतको सिकाइ भएको छ भने विद्यालयमा जुरेस, इको क्लव, जर्नल पब्लिकेशन क्लव, डिआरआर क्लव, स्काउट, कोड क्लब, बाल क्लव, डिबेट क्लव लगायत १० वटा क्लवहरु संचालनमा रहेको विद्यालयका प्र.अ. लक्ष्मण श्रेष्ठले ब्रिफिङ्ग गरे ।
वि.व्य.स अध्यक्ष शुक्रलाल श्रेष्ठले विद्यालयमा गठित सवै क्लवहरु सक्रिय रहेको र ‘शिक्षामा सिप’ कार्यक्रम अन्तर्गत सौन्दर्य कला र कपाल शैली (हेयर स्टाइल) सम्बन्धी तालिममा शितला मा.वि. छात्रछात्रा दुवै सहभागी रहेको उल्लेख गरे ।
कोड क्लबका विद्यार्थीहरूले खेल मैदानमा फुटबल, बास्केटबल खेले जसरी रमाउँदै कप्युटरबाट नयाँ कार्यक्रम बनाउन सक्छन् । यसको आधार स्क्याच कोडिङ् हो । यसरी निर्माण गरिएका कार्यक्रमहरू १६० देशका विद्यार्थीको नेटवर्कमा पुग्छ । यही प्लेटफर्मबाट अन्तर्राष्ट्रिय प्रतिस्पर्धा समेत गर्न सकिन्छ ।
चौध वटा विद्यालयबाट सुरु गर्न लागिएको यो कोड क्लब महानगरको सबै सार्वजनिक विद्यालयमा स्थापना गर्ने तयारी रहेको छ । उक्त क्लब मार्फत विद्यार्थीहरूले कोडिङ, एनिमेसन, सिम्पल प्रोग्रमिङहरुका साथै वेबसाईट तथा विभिन्न एप्लिकेशन बनाउने क्रियाकलापहरू सिक्नेछन् ।
सगुन ढुंगानाको भनाई अनुसार कक्षा ४ देखि कक्षा ९ सम्मका विद्यार्थीलाई लक्षित उमेर समूहमा राखेर कोडिङसम्बन्धी कार्यक्रम सञ्चालन गरिएको यस कार्यक्रमले विद्यार्थीको सिप , विद्यार्थीहरूको शैक्षिक तथा शोच विकास र आलोचनात्मक बिचारको विकासमा सहायता पुग्ने विश्वास रहेको छ ।
शितला मा.वि. र महानगरको सहकार्यमा सो विद्यालयको आफ्नै वेबसाइट निर्माण सम्पन्न भई कन्टेन्ट म्यानेजमेन्टको कार्य भइरहेको छ। जसले गर्दा सामुदायिक विद्यालयहरूको आफ्नो पहिचान अब विश्व सामु पुग्न मद्दत पुग्ने छ ।
का.म.न.पा. शिक्षा विज्ञ रेसु अर्यालले शिक्षकहरूको डिजिटल लिट्रेसी सिपमा स्तर उन्नति गर्ने उद्देश्य सहित, सबै सामुदायिक विद्यालयलाई गुगल वर्कसप फर एजुकेशन प्रयोगमा ल्याउने काम सुरु गरिएको बताइन् ।
परिवर्तन सम्भव छ, अनि यसका लागि हामी आफै अपनत्व लिने र वाधा छिचल्दै अगाडि वढ्नुको विकल्प नरहेको शिक्षा अधिकारी सिताराम कोइरालाले बताए । साथै उनले राम्रो काम र राम्रो अनुकरणीय योजना ल्याएमा शितला मा.वि.लाई सदैव साथ दिने पनि बताए ।
महानगरपालिका उपमेयर सुनिता डंगोलले शितला मा.वि.ले पछिल्लो समयमा गरको प्रगतिबाट आफु खुसी रहेको र विद्यालयको लागि हरेक प्रकारको सहयोगगर्न तत्पर रहेको बताइन् । उनले शिक्षा र स्वास्थ्यको आमूल परिवर्तनमा महानगरपालिका महत्वाकाक्र्षी कार्यक्रमका साथ लागि परेको हुनाले सवैको साथ र सहयोगका खाँचो रहको बताइन् ।
ताजा अपडेट
- इतिहास रच्दै रिलायन्स कलेजले जित्यो राष्ट्रव्यापी वक्तृत्वकलामा प्रथम, द्वितिय र तृतिय पुरस्कार
- निमावि तह शिक्षक लाइसेन्स परीक्षाको नतिजा सार्वजनिक, कसरी हेर्ने नतिजा ?
- त्रिविको ४९ औँ दीक्षान्त समारोह : कहाँ र कहिले ?
- किन अझै रिहा भएनन् विपिन जोशी ?
- जब विव्यस अध्यक्ष आफैं कक्षाकोठामा गएर पढाउन थाले
- नेपालमा ४ हजार २२५ शिक्षक पद रिक्त रहेको विवरण सार्वजनिक
- स्नातकोत्तर शिक्षाशास्त्र संकायका लागि त्रिविले खुलायो भर्ना
- इजरायलबाट बेपत्ता भएका विपिन जोशी गाजा क्षेत्रमा सकुशल रहेको पुष्टि
धेरैले पढेको
- नेपालका २० अब्बल माविहरू
- त्रिविद्धारा स्नातक तह दोस्रो वर्षको रिजल्ट प्रकाशित
- त्रिविको लापरवाही : परीक्षा त्रिविको प्रश्नपत्र दिल्लीको !
- त्रिविले दीक्षान्त समारोह गर्दै, अनलाइनबाटै आवेदन दिन मिल्ने
- सार्वजनिक बिदाको दिन पठनपाठन गर्ने विद्यालयलाई महानगरले कारवाही गर्ने
- पिसिएल नर्सिङ, एचए र डिप्लोमा इन फार्मेसीको शुल्क वृद्धि रद्ध
- बालेनले सुधारे काठमाडौं महानगरभित्रका सामुदायिक विद्यालयमा एसईईको नतिजा
- सीटीइभीटीअन्तर्गतका प्राविधिक विषय : कुन विषयमा के छ सम्भावना, कति लाग्छ खर्च ?
तपाईको प्रतिक्रिया