६५२ उत्तररपुस्तिका जेनजी आन्दोलनमा नष्ट भएपछि पुनः परीक्षा गर्ने त्रिविको निर्णय

काठमाडौं—जेनजी प्रदर्शनका क्रममा त्रिभुवन विश्वविद्यालयको तीन वटा केन्द्रका ६५२ वटा उत्तरपुस्तिका जलेपछि पुनः परीक्षा हुने भएको छ । परीक्षा नियन्त्रण कार्यालय बल्खुले तीन वटा परीक्षा केन्द्रमा ६५२ जना विद्यार्थीको उत्तरपुस्तिका जलेर नष्ट भएपछि पुनः परीक्षा हुने भएको हो ।

२२ असोजमा बसेको त्रिवि केन्द्रीय परीक्षा सञ्चालक समितिको बैठकले सम्बन्धित परीक्षा केन्द्र तथा सो केन्द्रमा परेका क्याम्पसहरुले आ—आफ्ना विद्यार्थीहरुलाई उक्त दिनहरुका परीक्षा पुनः दिनुपर्ने निर्णय गरेको हो ।

सुरक्षाका दृष्टि २२ भदौंबाट सञ्चालन भएको ४ वर्षे स्नातक तह दोस्रो वर्षको आंशिक तथा मौका परीक्षाको उत्तरपुस्तिका नजिकको प्रहरी कार्यलयमा राखिएको थियो ।

ती प्रहरी कार्यलयमा २४ भदौंमा जेनजी प्रदर्शनका क्रममा आगलागी भएपछि उत्तरपुस्तिका जलेर नष्ट भएका हुन् । मानविकी, शिक्षा, व्यवस्थापन र सामाजिकशास्त्र संकायका उत्तरपुस्तिका जलेको त्रिविले जनाएको छ ।