Techie IT
  • सोमबार, जेठ ७, २०८१ / Monday, May 20, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठसमाचारशिक्षकले विद्यार्थी कुटेकाे भन्दै अभिभावक बेल्चा लिएर कक्षामा पसेपछि…

शिक्षकले विद्यार्थी कुटेकाे भन्दै अभिभावक बेल्चा लिएर कक्षामा पसेपछि…


एजेन्सी । उत्तर प्रदेशको संगम सहर प्रयागराजमा एक विद्यालय शिक्षकलाई कुटपिट गरेको सनसनीपूर्ण घटना सार्वजनिक भएको छ । कक्षामा हल्ला गरिरहेको विद्यार्थीलाई कुटपिट गरेपछि आक्रोशित एक अभिभावक कक्षाभित्र पसेर शिक्षकलाई बेल्चाले हानेर घाइते बनाएका छन् ।

उक्त घटना कक्षामा जडान गरिएको सिसिटिभी क्यामेरामा कैद भएको थियो । जुन भिडियो यतिबेला सामाजिक सञ्जालमा भाइरल भइरहेको छ ।
घटना कर्छाना क्षेत्रको भुन्डाचौकीको जीएस एकेडेमी स्कुलमा भएको हो । शिक्षक अर्पित तिवारीले कक्षामा बालबालिकालाई पढाइरहेका थिए । यस क्रममा केही बालबालिका लगातार आवाज निकालिरहेका थिए । पटक–पटक विद्यार्थीलाई हल्ला नगर्न अनुरोध गर्दा नमानेपछि उनले विद्यार्थीलाई लठ्ठीले कुटेका थिए ।

कक्षा भित्र पसेर शिक्षकलाई कुटपिट

त्यसपछि विद्यार्थी घर पुगेपछि अभिभावकलाई बताए । त्यसबाट रिसाएर उनका भाइ अनिकेत सिंह उर्फ गुडलक बेल्चा लिएर विद्यालय पुगेका थिए । कक्षा भित्र पसेर शिक्षक अर्पितलाई बेल्चाले हिर्काउन थाले । केही शिक्षकहरूले रोक्ने प्रयास गर्दा पनि उनले शिक्षकमाथि हमला गरिरहे ।

झडपमा शिक्षक घाइते भएका छन् । त्यसपछि त्यहाँ उपस्थित शिक्षकहरूले घाइते शिक्षकलाई उपचारका लागि नजिकैको अस्पतालमा लगेका थिए । पीडित शिक्षकको उजुरीको आधारमा प्रहरीले एफआईआर दर्ता गरेको छ ।



तपाईको प्रतिक्रिया