काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
काठमाडौं । थलीस्थित किड्स वर्ल्ड किन्डरकार्टेनको वार्षिकोत्सव भव्यताका साथ सम्पन्न भएको छ । काठमाडौं पूर्वी भेगकै उत्कृष्ट मन्टेश्वरीका रुपमा चिनिएको किड्स वर्ल्डले विभिन्न साँस्कृतिक कार्यक्रम गर्दै वार्षिकोत्सव सम्पन्न गरेको हो ।
विद्यार्थी तथा अभिभावकको बाक्लो उपस्थितिमा सम्पन्न कार्यक्रमलाई कागेश्वरी मनोहरा नगरपालिकाका प्रमुख उपेन्द्र कार्कीले उद्घाटन गरेका थिए ।
विद्यालयकी प्रिन्सिपल विजया थापाको सभापतित्वमा सम्पन्न कार्यक्रममा विद्यालयका संस्थापक रघुराज थापाले मन्तव्यमार्फत सम्पूर्ण उपस्थितलाई स्वागत गरेका थिए । ९ वर्ष अघि थलीमा स्थापित यस मन्टेश्वरीले उत्कृष्ट शिक्षा प्रदान गर्दै आएको थापाले बताए । ‘हामीले थलीमा मन्टेश्वरी खोल्ने सोच बनाउँदा बागमती पुल एउटा कुनै पनि मन्टेश्वरी खुलेका थिएनन् त्यही चुनौतिका बाबजुद हामीले खोल्ने साहस गर्यौं,’ उनले भने, ‘आज हामीले शिक्षक, अभिभावक र समुदायको साथले ९ वर्ष पूरा गर्न सफल भएका छौँ ।’ अहिले किड्स वर्ल्ड आफ्नै भवनबाट सञ्चालित भइरहेको समेत उनले बताए ।
कार्यक्रमका प्रमुख अतिथि कागेश्वरी मनोहरा नगरपालिकाका प्रमुख उपेन्द्र कार्कीले किड्स वर्ल्ड काठमाडौं पूर्वी भेगकै पायोनियर प्रिस्कुलको रुपमा रहेको बताए । ‘बालबालिकाको मस्तिष्क र बाल मनोविज्ञानलाई बुझेर किड्स वर्ल्डले बालबालिकाको भविष्यलाई सुनौलो बाटोमा हिँडाइरहेको छ,’ उनले भने ।
अहिले नगरपालिकाले पनि प्रि–पाइमरी लेभलको शिक्षालाई जोड दिइरहेकोसमेत उनले बताए । ‘नगरपालिकाले पनि बाल सिकाइलाई मध्यनजर गर्दै इसीडीलाई प्राथमिकतामा राखेका छौँ,’ उनले भने, ‘हामीले गर्नुपर्ने काम किड्स वर्ल्ड जस्ता विद्यालयले गरेर सहयोग गरिरहनुभएको छ ।’
यसैगरी, कार्यक्रममा अभिभावक महेश तिमल्सिनाले किड्स वर्ल्र्ड विद्यार्थीहरुमा संस्कारयुक्त शिक्षा दिइरहेको बताए । ‘किड्स वर्ल्डको शिक्षण सिकाइ क्रियाकलापमा संस्कारयुक्त शिक्षा छ,’ उनले भने, ‘किल्ड्स वर्ल्डले यो सिकाइलाई निरन्तरता देओस् ।
त्यस्तै, अभिभावक सोबिया थापाले किड्स वर्ल्डको शिक्षण सिकाइलाई खुलेर तारिफ गरिन् । उनले किड्स वर्ल्डको बालबालिकाप्रतिको केयरिङ, अतिरिक्त क्रियाकलाप, शिक्षण सिकाइले आफू सन्तुष्ट रहेको समेत बताइन् ।
कार्यक्रमकी सभापति एवम् विद्यालयकी प्रिन्सिपल बिजया थापाले किड्स वर्ल्ड यहाँसम्म आइपुग्न अभिभावक, शिक्षकहरुको ठूलो साथ रहेको बताइन् । साथै, विद्यालयले सुधार गर्नुपर्ने कुराहरुसहित रचनात्मक सुझाव दिन उनले अभिभावकहरुलाई आग्रहसमेत गरेकी थिइन् । यसैगरी, वार्षिकोत्सव कार्यक्रम सम्पन्न सहयोग गर्ने सम्पूर्णलाई धन्यवाद दिँदै थापाले कार्यक्रम विसर्जन गरेकी थिइन् । कार्यक्रममा अपर किन्डरकार्टेनका विद्यार्थीलाई सम्मान तथा कक्षा १ का विद्यार्थीलाई विदाई गरिएको थियो ।
ताजा अपडेट
- ५ वर्षभित्र आधारभूत शिक्षा सुनिश्चित गर्ने सरकारको घोषणा
- साउनबाट शिक्षकले मासिक रुपमा तलब पाउने
- नीति तथा कार्यक्रममा नयाँ छनकः स्मार्ट विद्यालयदेखि बुट क्याम्प कार्यक्रम संचालनसम्म
- मध्यपश्चिममा गौतम र पूर्वाञ्चल विश्वविद्यालयमा थपलिया उपकुलपतिमा नियुक्त
- गुणस्तरीय स्वास्थ्य–शिक्षा उपलब्ध गराउन सरकार प्रतिबद्ध छ : प्रधानमन्त्री
- कक्षा १२ को परीक्षा आजदेखि सुरु, ३ लाख ९० हजार ८४७ परीक्षार्थी सहभागी
- त्रिविका प्रमुख कानुनी सल्लाहकार खनाललाई कारबाही नगर्न सर्वोच्चको अन्तरिम आदेश
- राजनीतिमा लागेका शिक्षकमाथि होला त कारबाही ?
धेरैले पढेको
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- सेन्ट लरेन्सलाई ‘कलेज अफ दि इयर’ एवार्ड
- आफ्ना दर्जन कवितासँगै गुञ्जिइन् जयन्ती ‘स्पन्दन’
- त्रिभुवन विश्वविद्यालयको उपकुलपतिमा प्रा.डा. बराल नियुक्त, यस्तो छ उनको पृष्ठभूमी
- कस्तो हुनुपर्छ जनप्रतिनिधि ?
तपाईको प्रतिक्रिया