हेल्पले माग्यो साथी शिक्षक, कात्तिक १ गतेदेखि आवेदन खुल्ने

काठमाडौं– हेलम्बु एजुकेशन लाइभ्लीहुड पार्टनरसीप (हेल्प)ले साथी शिक्षक कार्यक्रमको छैटौँ कोहार्टका लागि आवेदन खुला गर्ने भएको छ । हेल्पले आगामी कात्तिक १ गतेबाट कोहार्टका लागि आवेदन खुला गर्ने भएको हो ।

हेल्पले प्राथमिक तहका लागि गणित र अंग्रेजी विषय अध्यापन गराउनका लागि साथी शिक्षकको आवेदन खुला गर्न लागेको जनाइएको छ । ‘विद्यमान शैक्षिक अवस्थाको परिवर्तका लागि केही योगदान दिन इच्छुक हुनुुहुन्छ भने प्राथमिक तहमा दुई वर्षका लागि गणित र अंग्रेजी विषय पढाउन साथी शिक्षक यात्राको हिस्सा बन्न सक्नुहुनेछ,’ हेल्पले भनेको छ, ‘निर्वाह भत्तासहित गहन प्रशिक्षण र व्यक्तिगत क्षमता वृद्धिका लागि यो एक सुनौलो अवसर हुनसक्नेछ ।’

साथी शिक्षकका बारेमा विस्तृतमा बुझ्नका लागि https://saathi.help.org.np/ र कार्यालयको फोन नम्बर ०१–४९१७२०९ मा सम्पर्क गर्न सकिने हेल्पले जनाएको छ ।