जेनजीको प्रदर्शनमा गोली लागेका एक जनाको उपचारका क्रममा मृत्यु

काठमाडौं—जेन जीको प्रदर्शनका क्रममा काठमाडौंको बानेश्वरमा गोली लागेर घाइते भएका एक जनाको उपचारका क्रममा मृत्यु भएको छ । सिभिल अस्पतालमा उपचारका क्रममा एक युवाको मृत्यु भएको अस्पतालले जनाएको छ ।

अस्पतालका कार्यकारी निर्देशक मोहनचन्द्र रेग्मीले गोली लागेका एक जनाको मृत्यु भएको जानकारी दिए । सिभिललगायतका अस्पतालमा दर्जनौं घाइतेको उपचार भइरहेको छ ।

भ्रष्टाचार, सामाजिक सञ्जाल बन्द गर्ने निर्णयलगायतको विरोध गर्दै सोमबार जेनजी पुस्ताले देशभर स्वतस्फूर्त आन्दोलन गरेको छ । देशका अन्य भागमा पनि प्रदर्शनकारीहरुले ढुंगामुढा र आगजनी गरेका खबरहरु आइरहेका छन् ।

आन्दोलनमा स्कुल र कलेज पोशाककै विद्यार्थीहरु संलग्न भएका छन् ।