त्रिविको शिक्षाध्यक्षमा खनाल र रजिस्ट्रारमा चालिसे नियुक्त

शुक्रबार जिम्मेवारी हस्तान्तरण गरिएको जानकारी दिँदै उपकुलपति बज्राचार्यले विश्वविद्यालयको नियमित कामकारबाहीलाई प्रभावकारी बनाउन आवश्यक पदमा जिम्मेवारी तोकिएको बताए । कुलपति तथा प्रधानमन्त्री बालेन शाहबाट उपकुलपतिको जिम्मेवारी पाएलगत्तै उनले नयाँ जिम्मेवारी बाँडफाँट गरेका हुन् ।

यसअघि अध्यादेशमार्फत विश्वविद्यालयका पदाधिकारीहरू पदमुक्त भएपछि त्रिविको नेतृत्व रिक्त बनेको थियो । अध्यादेश जारी हुनुअघि नै तत्कालीन उपकुलपति प्राडा. दीपक अर्यालले राजीनामा दिएका थिए । त्यसपछि शिक्षाध्यक्ष प्राडा. खड्ग केसी र रजिस्ट्रार प्राडा. केदारप्रसाद रिजालले पनि पदबाट अलग भएका थिए ।

विश्वविद्यालयको प्रशासनिक काम प्रभावित नहोस् भन्ने उद्देश्यले हालका लागि अस्थायी रूपमा पदाधिकारी नियुक्त गरिएको जनाइएको छ । यससँगै नयाँ उपकुलपति नियुक्तिको प्रक्रिया पनि अघि बढाइएको छ । उपकुलपति सिफारिस समिति गठन भइसकेको छ भने इच्छुक व्यक्तिहरूबाट आवेदनसमेत माग गरिएको विश्वविद्यालय स्रोतले जनाएको छ ।