काठमाडौं । केबीए ग्लोबल एजुकेशन एण्ड माइग्रेसनले वैदेशिक अध्ययनमा रुचि राख्ने विद्यार्थी तथा अभिभावकलाई लक्षित गर्दै ‘मल्टि डेस्टिनेशन एजुकेशन फेयर’ सम्पन्न गरेको छ। बुधबार काठमाडौंको बानेश्वरस्थित ओमकार भवनमा आयोजित फेयरमा तीन सयभन्दा बढी विद्यार्थी तथा अभिभावकको सहभागिता रहेको थियो।
कक्षा १२ को परीक्षा सम्पन्न गरी उच्च शिक्षाका लागि विदेश जाने तयारीमा रहेका विद्यार्थीलाई लक्षित गर्दै फेयर आयोजना गरिएको केबीए ग्लोबलका नेपालस्थित बिजनेस डेभलपमेन्ट डाइरेक्टर विनोद दाहालले जानकारी दिए ।
उनका अनुसार फेयरमार्फत अमेरिका, अष्ट्रेलिया, क्यानडा, बेलायत तथा न्युजिल्याण्डका विभिन्न विश्वविद्यालयका प्रतिनिधिसँग विद्यार्थी तथा अभिभावकलाई प्रत्यक्ष अन्तरक्रिया गराइएको थियो ।
“हामीले वैदेशिक अध्ययनमा जान चाहने विद्यार्थीलाई विभिन्न विश्वविद्यालयका आधिकारिक प्रतिनिधिसँग प्रत्यक्ष भेटघाट तथा परामर्शको अवसर उपलब्ध गराएका छौँ,” दाहालले भने, “यसले विदेशमा अध्ययन गर्न चाहने विद्यार्थीलाई उपयुक्त गन्तव्य र विश्वविद्यालय छनोट गर्न महत्त्वपूर्ण सहयोग पुगेको हाम्रो विश्वास छ ।”
फेयरमा सहभागी विद्यार्थी तथा अभिभावकले विभिन्न देशका विश्वविद्यालय, अध्ययन कार्यक्रम, भर्ना प्रक्रिया र सम्भावनाबारे प्रत्यक्ष जानकारी लिने अवसर पाएका थिए । यसले कुन देश र कुन विश्वविद्यालय आफ्नो भविष्यका लागि उपयुक्त हुन्छ भन्ने विषयमा रहेको अन्योलता कम गर्न सहयोग पुगेको दाहालको भनाइ छ ।
“हामीले सहभागीलाई उनीहरूले अध्ययन गर्न चाहेको देश र विश्वविद्यालयबारे आधिकारिक तथा विश्वसनीय जानकारी प्रदान गरेका छौँ,” उनले भने, “फेयरले विद्यार्थी र अभिभावकमा रहेका जिज्ञासा तथा कौतुहलतालाई धेरै हदसम्म सम्बोधन गरेकोमा हामी विश्वस्त छौँ ।”
फेयरका अवसरमा केबीए ग्लोबलले आइइएलटीएस र पीटीई तयारी कक्षाका लागि ५० प्रतिशतसम्म छात्रवृत्तिको व्यवस्था गरेको थियो । साथै, फेयरकै दिन सिट बुकिङ गर्ने विद्यार्थीलाई विशेष छुट प्रदान गरिएको दाहालले बताए ।
उनले तयारी कक्षामा सहभागी हुने विद्यार्थीलाई अतिरिक्त शुल्क नलिई सीपमूलक तालिमसमेत उपलब्ध गराइने जानकारी दिए ।
पछिल्ला केही दशकयता वैदेशिक अध्ययनका लागि विदेश जाने नेपाली विद्यार्थीको संख्या निरन्तर बढ्दै गएको सन्दर्भमा यस्ता कार्यक्रमले विद्यार्थी तथा अभिभावकलाई सही सूचना प्रदान गर्दै उपयुक्त गन्तव्य र शैक्षिक संस्थाको छनोटमा सहयोग पुग्ने विश्वास केबीए ग्लोबलले लिएको छ।
ताजा अपडेट
- एमबीएस प्रश्नपत्र काण्ड : परीक्षा सुरु भएको मिनेटमै प्रश्न बाहिरियो, सिआइबीले गर्यो पक्राउ
- अष्ट्रेलियाको वेस्टर्न सिड्नी विश्वविद्यालयकी स्नातकोत्तर प्रतिमा खड्का मिस नेपाल २०२६ को प्रतिस्पर्धामा
- डा. गोविन्द केसीसँग वार्ताका लागि शिक्षा मन्त्रालयका सचिव धनगढी पुगे
- जनदबाबपछि सरकार ब्याकः निजी स्वास्थ्य र शिक्षाबाट ३ प्रतिशत समता कर हट्यो
- यति कलेजको होटल एन्ड माइस म्यानेजमेन्ट कार्यक्रमको पहिलो दीक्षान्त समारोह सम्पन्न
- निजी शिक्षा र स्वास्थ्यमा ३% समता कर लागू नहुने, चौतर्फी विरोधपछि पछि हट्यो सरकार!
- कोरियन भाषा परीक्षाका लागि आवेदन खुला: कुन क्षेत्रमा कति कोटा, कस्ता प्रश्न सोधिन्छन् ?
- अब समकक्षता त्रिविले होइन, यूजीसीले दिने
धेरैले पढेको
- नेपालका अब्बल ३० माविहरू
- शिक्षामन्त्रीको एजेण्डाः इसिडी शिक्षक र विद्यालय कर्मचारीको पारिश्रमिक १९ हजार ५ सय पुर्याइने !
- शिक्षामा ‘सर्जरीको तयारी’: मन्त्री पोखरेलसामु तत्काल सुधारका ६ एजेन्डा !
- बालेन एक्सनः १५ दिनमै एसईईको नतिजा ,परीक्षा केन्द्रमै उत्तरपुस्तिका परीक्षण गर्ने तयारी
- कक्षा १२ को नतिजा : रिटोटलिङ नगरी सिधै रिचेकिङ गर्न पाइन्छ ?
- वैशाख १ गतेदेखि इन्ट्रान्स तयारी कक्षा र ब्रिज कोर्सहरू बन्द गर्न शिक्षामन्त्रीको निर्देशन
- शिक्षक र प्राध्यापकलाई दलगत राजनीतिबाट टाढा राख्ने सरकारको तयारी
- कक्षा १२ का परीक्षा केन्द्र सार्वजनिक, गत वर्षकै ‘कपिपेष्ट’
यो पनि पढनुहोस
तपाईको प्रतिक्रिया