टाइमलाइन स्कुलको कक्षा १० मा अध्ययनरत विद्यार्थी मुमेन श्रेष्ठ सम्पर्कविहीन

काठमाडौं । काठमाडौंको गोकर्णेश्वर– ५ स्थित टाइमलाइन स्कुलमा कक्षा १० मा अध्ययनरत विद्यार्थी मुमेन श्रेष्ठ सम्पर्कविहीन भएका छन्।

विद्यालयका प्रिन्सिपल रामप्रसाद बडालका अनुसार १६ वर्षका, करिब ५.५ फिट अग्ला र गहुँगोरो वर्णका श्रेष्ठ असोज ४ गते आइतबार बिहान करिब ६ः३० बजेदेखि गोठाटारस्थित पहिलो पुल आसपासबाट हराइरहेका छन् ।

हराउनुअघि उनले नीलो रंगको ट्र्याकसुट लगाएको बताइएको छ । परिवार तथा विद्यालयले उनको खोजी गरिरहेका छन् । श्रेष्ठलाई देख्ने वा उनको अवस्थाबारे कुनै जानकारी प्राप्त गर्नेलाई नजिकैको प्रहरी कार्यालय वा तल दिइएको सम्पर्क नम्बरमा जानकारी गराइदिन विद्यालयले आग्रह गरेको छ।

विद्यालयका प्रिन्सिपल रामप्रसाद बडालले विद्यार्थीको खोजीमा सहयोग गरिदिन सबैमा आग्रह गरेका छन्।

सम्पर्क नम्बर : ९८५११५१८३४, ९८२३००३५२७, ०१–४९१०१७७