Techie IT
  • शुक्रबार, मंसीर ५, २०८३ / Friday, November 20, 2026
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठ ∕ कलेज ∕ एमबीबीएस, बीडीएस, नर्सिङदेखि फार्मेसी: कुन मेडिकल विषय पढ्न कति लाग्छ शुल्क ?

एमबीबीएस, बीडीएस, नर्सिङदेखि फार्मेसी: कुन मेडिकल विषय पढ्न कति लाग्छ शुल्क ?


काठमाडौँ । एमबीबीएस अध्ययनका लागि उपत्यकाबाहिरका मेडिकल कलेजमा ४५ लाख ९५ हजार ७ सय २० रुपैयाँ र उपत्यकाभित्रका कलेजमा ४१ लाख ६८ हजार ९० रुपैयाँ शुल्क तोकिएको चिकित्सा शिक्षा आयोगले जनाएको छ। आयोगका अनुसार शैक्षिक सत्र २०७८/७९ मा निर्धारण भएको कार्यक्रमगत शिक्षण शुल्क हालसम्म कायम रहेको छ।

आयोगले सार्वजनिक गरेको स्नातक तहका १६ वटा शैक्षिक कार्यक्रमको शुल्क विवरणअनुसार उपत्यकाबाहिर एमबीबीएस पढ्नेले उपत्यकाभित्रको तुलनामा ४ लाख २७ हजार ६ सय ३० रुपैयाँ बढी तिर्नुपर्छ। एमबीबीएस प्रवेश परीक्षाको नतिजा आएसँगै कलेज छनोटको तयारीमा रहेका विद्यार्थी र अभिभावकका लागि यो विवरण महत्त्वपूर्ण मानिएको छ।

कुन विषय पढ्न कति शुल्क?

स्नातक तहका १६ वटा कार्यक्रमको निर्धारित शुल्क (रुपैयाँमा):

क्र.सं. कार्यक्रम

निर्धारित शुल्क (रु.)

१ MBBS (उपत्यकाबाहिर) ४५,९५,७२०
१ MBBS (उपत्यकाभित्र) ४१,६८,०९०
२ BDS २०,९२,२९०
९ BAMS ११,३१,९३०
३ B.Sc. Nursing १०,३६,०००
४ BPT ७,७७,०००
५ B.Sc. MIT ७,७७,०००
६ B.Sc. MLT ७,७७,०००
७ B. Medical Microbiology ७,७७,०००
८ B. Medical Biochemistry ७,७७,०००
११ B. Pharmacy ७,७७,०००
१३ BPH ७,७७,०००
१४ B. Optometry ७,७७,०००
१५ B. Perfusion Technology ७,७७,०००
१६ BASLP ७,७७,०००
१२ Pharm D ६,७३,४००
१० BNS/BMS ५,१८,०००

शुल्कको तुलनामा के देखिन्छ?

आयोगका अनुसार एमबीबीएसपछि सबैभन्दा बढी शुल्क बीडीएसको छ। बीडीएस पढ्न २० लाख ९२ हजार २ सय ९० रुपैयाँ लाग्छ, जुन उपत्यकाभित्रको एमबीबीएसको आधाजस्तो हो।

आयुर्वेद अध्ययन (BAMS) का लागि ११ लाख ३१ हजार ९ सय ३० रुपैयाँ र बीएससी नर्सिङका लागि १० लाख ३६ हजार रुपैयाँ शुल्क तोकिएको आयोगले जनाएको छ।

स्नातक तहका १० वटा कार्यक्रमको शुल्क भने उस्तै ७ लाख ७७ हजार रुपैयाँ छ। बीपीटी, बीएससी एमआइटी, बीएससी एमएलटी, मेडिकल माइक्रोबायोलोजी, मेडिकल बायोकेमिस्ट्री, बीफार्मेसी, बीपीएच, बीअप्टोमेट्री, बीपर्फ्युजन टेक्नोलोजी र बीएएसएलपी यसमा पर्छन्।

सबैभन्दा कम शुल्क बीएनएस/बीएमएसको छ, ५ लाख १८ हजार रुपैयाँ। फार्मडी अध्ययनका लागि ६ लाख ७३ हजार ४ सय रुपैयाँ तिर्नुपर्ने आयोगको विवरणमा उल्लेख छ।

आयोगले शैक्षिक सत्र २०७८/७९ मा तोकेको यो शुल्क हालसम्म परिवर्तन नगरिएको जनाएको छ।



तपाईको प्रतिक्रिया

ताजा अपडेट

धेरैले पढेको