तेस्रो रिलायन्स विज्ञान प्रदर्शनी सम्पन्न, आगामी वर्ष प्रदेशस्तरीय प्रदर्शनी गर्ने प्रतिवद्धता
काठमाडौं । चावहिलस्थित रिलायन्स कलेजमा तेस्रो काठमाडौं उपत्यकाव्यापी विज्ञान तथा सूचना प्रविधि प्रदर्शनी भव्य रुपमा सम्पन्न भएको छ । काठमाडौं उपत्यकाका झण्डै दुई दर्जन स्कूल कलेजहरुको सहभागिता रहेको सो प्रदर्शनीलाई आज शनिबार समापन गरिएको हो ।
उक्त समापन समारोहमा त्रिभुवन विश्वविद्ययालय विज्ञान तथा प्रविधि संस्थानका डिन प्रा.डा विनिल अर्यालको प्रमुख आतिथ्यता रहेको थियो । रिलायन्स एजुकेसन नेटवर्कका अध्यक्ष तथा कलेज प्रिन्सिपल रविन्द्रजङ्ग थापाको अध्यक्षतामा सम्पन्न कार्यक्रममा कलेजका विज्ञान संकायका संयोजक यादव पाण्डेको स्वागत मन्तव्यबाट शुरु भएको थियो । प्रदर्शनीमा करिब ४५ वटा विद्यालयका चार हजार जना विद्यार्थीले ४२ ओटा स्टलको अवलोकन गरेको कलेजका सह–प्रधानाध्यापक नन्दुप्रसाद कुशुवाहाले जानकारी दिए ।
प्रमुख अतिथि प्रा. डा. अर्यालले रिलायन्स कलेज शिक्षा क्षेत्रमा आफैं सधैँ केही न केही सृजनशील र विद्यार्थी केन्द्रित गतिविधी गर्नमा अब्बल रहेको बताए । समापन समारोहको अध्यक्षता गरेका रिलायन्स एजुकेशन नेटवर्कका अध्यक्ष तथा कलेजका प्रिन्सिपल रविन्द्रजङ्ग थापाले आगामी वर्षको विज्ञान प्रदर्शनी वागमती प्रदेशस्तरीय गरिने बताए ।
यसैगरी, कलेजका सञ्चालक एवं सिनियर चार्टड एकाउन्टेट राजु कुमार शिवाकोटीले यो प्रदर्शनीले विद्यार्थीमा खोज अनुसन्धानमा जाग्रित गराउने बताए ।समापन समारोहमा होटेल म्यानेजमेण्ट विभागका अध्यक्ष बिबि क्षेत्रीले समेत आफ्नो धारणा राखेका थिए ।
यसै समारोहमा रिलायन्स सिंगिङ आइडल चौंथो शृङ्खलाको ग्राण्ड फिनालेसमेत सम्पन्न गरिएको छ । जसमा कक्षा १२ का प्रशान्त खातीले प्रथम स्थान हात पारृका छन् । त्यस्तै, कक्षा १२ कै सुवेश तामाङ्गले द्वितीय स्थान हासिल गर्दा कक्षा ११ की दृष्टि कुलुङ्ग तृतीय भएकी थिइन् ।
कलेजको साइन्स एण्ड आइटी क्लबको सक्रियतामा विज्ञान प्रदर्शनी भव्य रुपमा सम्पन्न भएको कलेजका इसीए÷सीसीए संयोजक गोविन्द ढकालले बताए । कार्यक्रममा क्लबकी सचिव छिरिङ्ग पाल्देन शेर्पाले सबैलाई धन्यवाद व्यक्त गरेकी थिइन् ।
समापन समारोहमा सक्रिय रुपमा भुमिका खेल्ने सबै विद्यार्थी तथा शिक्षक कर्मचारी वर्गलाई प्रशंशा पत्र पदान गरिएको थियो ।
त्यस्तै, विज्ञान प्रदर्शनीमा स्कुल प्रोजेक्ट कम्पिटिसन अन्तर्गत रिलायन्स इन्टरनेशनल एकेडेमी (स्कुल विङ्ग्स)ले प्रथम स्थान हासिल गरेको छ । भने, रिपुमर्दिनी सैनिक महाविद्यालय दोस्रो र रिलायन्स पब्लिक स्कुल तेस्रो भएको थियो ।
प्रदर्शनीमा रिलायन्स एजुकेशन नेटवर्ककका सञ्चालक एवं रिलायन्स इन्टरनेशनल एकेडेमी प्रधानाध्यापक खेमलाल भुषाल, नेटवर्कका सञ्चालक भुवनेस्वरी पराजुली, नेटवर्ककका सञ्चालक तथा संस्कृति विभागका प्रमुख दामोदर निरौला, सञ्चालक एवम् रिलायन्स पब्लिक स्कुलका प्रधानाध्यापक वसन्तलाल लामिछाने, रिलायन्स को एडका प्रधानाध्यापक दशरथ ज्ञवाली लगायत नेटवर्कका विभिन्न विद्यालय तथा कलेजका संयोजकहरुको उपस्थिति रहेको थियो । समापन समाराहको सञ्चालन कक्षा १२ का विद्यार्थी अभिषेक श्रेष्ठले गरेका थिए ।
ताजा अपडेट
- मध्यपश्चिममा गौतम र पूर्वाञ्चल विश्वविद्यालयमा थपलिया उपकुलपतिमा नियुक्त
- गुणस्तरीय स्वास्थ्य–शिक्षा उपलब्ध गराउन सरकार प्रतिबद्ध छ : प्रधानमन्त्री
- कक्षा १२ को परीक्षा आजदेखि सुरु, ३ लाख ९० हजार ८४७ परीक्षार्थी सहभागी
- त्रिविका प्रमुख कानुनी सल्लाहकार खनाललाई कारबाही नगर्न सर्वोच्चको अन्तरिम आदेश
- राजनीतिमा लागेका शिक्षकमाथि होला त कारबाही ?
- विश्वविद्यालयबाट निस्किँदा विद्यार्थीहरू सक्षम र चरित्रवान भएर निस्किनुपर्छ : प्रधानमन्त्री
- पहिलोपटक र्याण्डम विधिबाट तोकियो कक्षा १२ को परीक्षा केन्द्र, कसको सेन्टर कहाँ ? (सूचिसहित)
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
धेरैले पढेको
- चैत १५ गतेबाट एसईई परीक्षा गर्ने बोर्डको निर्णय, पहिलो दिन अंग्रेजी
- एसईई परीक्षा रद्द हुँदा के हुन्छ ? राष्ट्रिय परीक्षा बोर्डका अध्यक्ष शर्माले यसो भने
- काठमाडौं पूर्वी भेगकै उत्कृष्ट मन्टेश्वरी ‘किड्स वर्ल्ड किन्डरगार्टेन’को वार्षिकोत्सव सम्पन्न
- NSL Nepal Open International Pickleball Tournament 2024: A Success Story
- सेन्ट लरेन्सलाई ‘कलेज अफ दि इयर’ एवार्ड
- आफ्ना दर्जन कवितासँगै गुञ्जिइन् जयन्ती ‘स्पन्दन’
- त्रिभुवन विश्वविद्यालयको उपकुलपतिमा प्रा.डा. बराल नियुक्त, यस्तो छ उनको पृष्ठभूमी
- कस्तो हुनुपर्छ जनप्रतिनिधि ?
तपाईको प्रतिक्रिया