कति छ शिक्षामन्त्री सुमना श्रेष्ठको सम्पत्ति ?

काठमाडौं । प्रधानमन्त्री तथा मन्त्रीपरिषद्को कार्यालयले संघीय मन्त्रिपरिषद् सदस्यको सम्पत्ति विवरण सार्वजनिक गरिएको छ । हालै बसेको मन्त्रीपरिषदको बैठकको निर्णयअनुसार आज मंगलबार सम्पत्ति विवरण सार्वजनिक गरिएको हो ।

सार्वजनिक पद धारण गरेको व्यक्तिले सम्पत्ति विवरण सम्बन्धित कार्यालयमा बुझाउनुपर्ने संवैधानिक व्यवस्था छ । सोही अनुसार प्रधानमन्त्री तथा मन्त्रीपरिषद्को कार्यालयले मन्त्रीहरुको सम्पत्ति विवरण सार्वजनिक गरेको हो । जसमा हाल प्रचण्ड सरकारको मन्त्री मण्डलमा रहेका सम्पूर्ण मन्त्रीहरुको सम्पत्ति विवरण सार्वजनिक गरिएको छ ।

शिक्षा विज्ञान तथा प्रविधि मन्त्री सुमना श्रेष्ठले भने बैंकमा नगद मौज्दात एक करोड ५२ लाख रुपैयाँ रहेको आफ्नो सम्पत्ति विवरणमा उल्लेख गरेकी छन् । सम्पत्ति विवरणानुसार, उक्त रकम विभिन्न बैंकमा मौज्दात छ । एनआईसी एसिया बैंकमा ११५ लाख (एक करोड १५ लाख) र एभरेस्ट बैंकमा ३७ लाख आफ्नो नगद मौज्दात रहेको उनले उल्लेख गरेकी छन् । यी सबै रकम पारिश्रमिकबापत पाएको विवरणमा उल्लेख छ ।

यस्तै, उनीसँग ११ तोला सुन, १० तोला चाँदी, एक सेट हीराको हार र एक सेट हीराको टप रहेको विवरणमा उल्लेख छ ।

थप विवरण तस्बिरमा हेर्नुहोस् :