शिक्षा, विज्ञान तथा प्रविधि मन्त्रीमा विद्या भट्टराई नियुक्त

काठमाडौं । शिक्षा विज्ञान तथा प्रविधि मन्त्रीमा विद्या भट्टराई नियुक्त भएकी छन् । कास्की क्षेत्र नम्बर २ बाट निर्वाचित सांसद भट्टराई शिक्षामन्त्रीमा नियुक्त भएकी हुन् ।

एमाले अध्यक्ष केपी शर्मा ओली नेतृत्वमा बनेको मन्त्री मण्डलमा शिक्षा मन्त्री बनेकी भट्टराई राष्ट्रपतिसमक्ष पद तथा गोपनियताको सपथ ग्रहणसमेत गरिसकेकी छन् ।

शिक्षा मन्त्री भट्टराई स्वर्गीय एमाले नेता रवीन्द्र अधिकारीकी धर्मपत्नी हुन् । तत्कालिन सँस्कृति तथा पर्यटन मन्त्री अधिकारीको हेलिकप्टर दुर्घटनामा परी निधन भएको थियो ।

अधिकारीको निधनपछि रिक्त भएको स्थानमा एमालेले विद्यालाई उमेद्वार बनाएको थियो । सा्े निर्वाचन जितेकी भट्टराई कास्की २ बाट २०७९ सालमा दोश्रो पटक पनि प्रत्यक्ष निर्बाचित भएकी जनप्रतिनिधि हुन् ।