त्रिवि उप–प्राध्यापक छनौट :  २०७७ सालमा विज्ञापन, ०८१ मा लिखित परीक्षा !

काठमाडौ– त्रिभुवन विश्वविद्यालयको उप–प्राध्यापकको लिखित परीक्षा भदौ ५ गते गर्ने भएको छ । त्रिवि सेवा आयोगले २०७७ साल फागुन ९ गते प्रकाशित गरेको विज्ञापनको लिखित परीक्षा भदौ ५ गतेदेखि सुरु गर्न लागेको हो ।

आयोगले बुधबार एक सूचना जारी गर्दैै पहिलो चरण्मा चिकित्सा शास्त्र अध्ययन संस्थानसँग सम्बन्धित विषयहरुको परीक्षा सञ्चालन गर्ने जनाएको छ । त्यस्तै, अन्य संस्थान र संकायसँग सम्बन्धित विषयको परीक्षा तालिका प्रकाशित गरिने आयोगले जनाएको छ । तालिका आयोगको वेवसाइटमा प्रकाशित हुने सूचनामा उल्लेख छ ।