७ हजार ८४७ जना एमबीबीएस पढ्न योग्य, आयोगले निकाल्यो एमबीबीएस इन्ट्रान्सको रिजल्ट

काठमाडौं— चिकित्सा शिक्षा आयोगले एमबीबीएसको एकीकृत प्रवेश परीक्षाको रिजल्ट निकालेको छ । बिहीबार आयोगले एमबीबीएसको एकीकृत प्रवेश परीक्षाको रिजल्ट प्रकाशित गरेको हो ।

आयोगकाअनुसार ७ हजार ८४७ जनाले एमबीबीएसको इन्ट्रान्स उत्तीर्ण गरेका छन् । उनीहरु अब एमबीबीएस अध्ययनका लागि योग्य भएका छन् । उनीहरुले योग्यताक्रमअनुसार विभिन्न कलेजमा एमबीबीएस अध्ययन गर्न पाउनेछन् ।

शैक्षिक सत्र २०८१/८२ को भर्नाका लागि आयोगले १ भदौंमा प्रवेश परीक्षा संचालन गरेको थियो ।