त्रिभुवन विश्वविद्यालयद्वारा ११ वटा आंगिक क्याम्पस प्रमुखको दरखास्त आह्वान

काठमाडौं– त्रिभुवन विश्वविद्यालयले ११ वटा आंगिक क्याम्पसका लागि क्याम्पस प्रमुखको दरखास्त आह्वान गरेको छ । त्रिविको क्याम्पस प्रमुख छनोट समितिले सोमबार सार्वजनिक सूचना जारी गर्दै रिक्त क्याम्पस प्रमुख पदमा दरखास्त आह्वान गरेको हो ।

त्रिविले आवेदन माग गरेका मध्ये दुईवटा काठमाडौंका क्याम्पस रहेका छन् । जो विश्वभाषा क्याम्पस र रत्नराज्यलक्ष्मी क्याम्पस हुन् । त्यस्तै, ललितपुरस्थित पाटन संयुक्त क्याम्पसको प्रमुखका लागि पनि दरखास्त आह्वान गरिएको छ ।

यसैगरी, सूर्यनारायण सत्यनारायण मोरवैता यादव क्याम्पस सिराहा, त्रिभुवन बहुमुखी क्याम्पस पाल्पा, सुर्खेत शिक्षा क्याम्पस सुर्खेत, पृथ्वीनारायण क्याम्पस पोखरा, बुटवल बहुमुखी क्याम्पस बुटवल क्याम्पस, रामस्वरूप रामसागर क्याम्पस जनकपुर, डोटी बहुमुखी क्याम्पस र जुम्ला क्याम्पसका लागि समितिले दरखास्त मागेको हो ।