सिटी बजाउँदै शिक्षकहरु सडकमा, भर्ना अभियान प्रभावित हुने संकेत

काठमाडौ । शिक्षा ऐनको माग गर्दै शिक्षकहरुले निरन्तर आन्दोलन गरिरहेका छन् । सरकारले माग सम्बोधन गर्न कुनै चासो नदेखाएपछि आन्दोलनको पाँचौ दिन उनीहरूले काठमाडौंको माइतीघरदेखि बानेश्वरसम्म सिटी बजाएर सरकारको ध्यानाकर्षण गराएका हुन् ।

सरकारले चैत २५ गतेसम्म आफ्ना मागहरु पूरा नगरे शैक्षिक हड्ताल गर्ने चेतावनीसमेत दिएका छन् । नेपाल शिक्षक महासंघको आह्वानमा २०८१ माघ २० गतेदेखि देशभरका शिक्षकहरु आन्दोलनमा छन् । उनीहरुले गुणस्तरीय विद्यालय शिक्षा, विद्यार्थी र शिक्षक–कर्मचारी मैत्री विद्यालय शिक्षा एने जारी गर्नुपर्ने माग राखेका छन् ।

शिक्षकहरुको निरन्तर आन्दोलनका कारण नयाँ शैक्षिक सत्रको भर्ना कार्यक्रमसमेत प्रभावित हुने देखिएको छ । यता शिक्षा मन्त्रालयले भने नयाँ शैक्षिक सत्रको भर्ना अभियानका लागि तयारी गरिरहेको छ । जसका लागि शिक्षा तथा मानव स्रोत विकास केन्द्रले शिक्षा मन्त्रालयलाई नयाँ भर्नाको योजना बनाएर शिक्षा मन्त्रालयमा पठाइसकेको छ ।