शिक्षामन्त्री भट्टराईद्वारा राजीनामा

काठमाडौं । शिक्षा विज्ञान तथा प्रविधि मन्त्री विद्या भट्टराईले राजीनामा दिएकी छन् । मन्त्री भट्टराईले आज प्रधानमन्त्री केपी शर्मा ओलीलाई राजीनामा बुझाएकी हुन् ।

विगत २१ दिनदेखि शिक्षकहरु शिक्षा ऐनको माग गर्दै सडकमा छन् । शिक्षकको माग सम्बोधन गर्ने विषयमा शिक्षामन्त्री र प्रधानमन्त्रीबीचमा मतभेद रहँदै आएको थियो । यही मतभेदका बिचमा शिक्षामन्त्री भट्टराईले प्रधानमन्त्रीलाई राजीनामा बुझाएको उनको सचिवालयले जानकारी दिएको छ ।

मन्त्री भट्राईले शिक्षकका जायज माग पूरा गर्न कसरत गरेपनि त्यसमा प्रधानमन्त्री सकारात्मक नहुँदा उनी शिक्षकहरुको घेराबन्दीमा परेकी थिइन् । प्रधानमन्त्री ओली भने शिक्षकका माग सम्बोधन गर्नुका सट्टा शिक्षकको आन्दोलनलाई सरकारले कुनै वास्ता नगरेको जस्तो अभिव्यक्ति दिइरहेकी छन् ।

प्रधानमन्त्रीको यही शैलीबाट आजित बनेकी भट्टराईले अन्ततः राजीनामा दिएको हुनसक्ने एमालेका एक नेताले बताए । ‘उहाँ शिक्षकहरुको चौतर्फी घेराबन्दीमा हुनुहुन्थ्यो तर, उहाँको मर्कालाई प्रधानमन्त्रीले खासै चासो देखाएको पाइएन,’ ती नेताले भने, ‘शिक्षकहरुको दबाब थेग्न नसकेर नैतिकताका आधारमा उहाँले राजीनामा दिएको हुनुपर्छ भन्ने मेरो बुझाई छ ।’