Techie IT
  • सोमबार, जेठ ७, २०८१ / Monday, May 20, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठशिक्षा समाचारबालेनको निर्देशनमा संस्कृति र युलेन्स स्कुलमा लगाएको ताला महानगरले फुटायो

बालेनको निर्देशनमा संस्कृति र युलेन्स स्कुलमा लगाएको ताला महानगरले फुटायो


काठमाडौं । बालाजुको सानो भ¥याङस्थित संस्कृति स्कुल र बाँसबारीस्थित युलेन्स स्कुलमा लागेको ताला काठमाडौं महानगरपालिकाले फुटाएको छ । अनेरास्ववियु क्रान्तिकारीले लगाएको तालालाई महानगरपालिकाका मेयर बालेन शाहको निर्देशनमा शिक्षा विभागले ती विद्यालयमा पुगेर ताला फुटाउँदै पठन पाठन सुचारु गराएको हो ।

क्रान्तिकारीले यी दुई विद्यालयमा हिजो सोमबार तालाबन्दी गरेको थियोे । यद्यपि, के कारणले तालाबन्दी गरेको हो भन्ने बारे जानकारी नभएको काठमाडौं महानगरपालिकाअन्तर्गत शिक्षा विभागका प्रमुख सीताराम कोइरालाले जानकारी दिए । ‘अनेरास्ववियू क्रान्तिकारीले दुई स्कुलमा ताला लगाएको खबर आएसँगै हामीले तत्काल एक्सन लिएका हौँ’, उनले भने , ‘तर के कारणले ताला लगाइएको हो भन्ने बारे कुनै हामीलाई जानकारी छैन ।’

यसैबीच मेयर शाहले काठमाडौं महानगरपालिकाको प्रमुख प्राथमिकता शिक्षा भएको बताएका छन् । ‘हामी महानगरभरिका विद्यालयहरूको गुणस्तर सुधार गर्न निरन्तर लागिपरेका छौँ र महानगरपालिकाले आफ्नो क्षेत्रभित्र पर्ने विद्यालयको अनुगमन र नियमन गर्ने हो’, उनले भनेका छन्, ‘यदि कुनै विद्यालयले नियमको पालना नगरे काठमाडौं महानगरपालिकालाई उजुरी गर्ने हो ।’

तर, पढ्ने ठाउँमा ताला लगाएर अमुक दलको शैक्षिक सङ्गठनले अपराध गरेको शाहको भनाइ छ । ‘चाहे सो विद्यालय सरकारी होस् वा निजी, हामी विद्यालयमा राजनीति गर्ने कुरा कल्पना सम्म गर्न सक्दैनौँ’, उनले भने । त्यसैले महानगर भित्रका विद्यालयमा लगाएको ताला फोरेर नियमित शैक्षिक क्रियाकलाप अगाडि बढाइएको उनको भनाइ छ ।



तपाईको प्रतिक्रिया