शिक्षकलाई कार्यालय समयमा टिकटक भिडियो नबनाउन शिक्षा मन्त्रालयको निर्देशन

काठमाडौं । शिक्षा विज्ञान तथा प्रविधि मन्त्रालयले शिक्षकहरुलाई कार्यालय सयमा पोशाकसहित टिकटक भिडियो नबनाउन अनुरोध गरेको छ । मन्त्रालयले शिक्षा तथा मानव स्रोत केन्द्रलाई एक पत्र लेख्दै शिक्षक कर्मचारीले कार्यालय समयमा तोकिएको पोशाकमा टिकटक भिडियो लगायत बालमनोविज्ञानमा असर पुग्ने सामग्री बनाइएको पाइएकाले त्यसलाई रोक्न अनुरोध गरेको हो ।

मन्त्रालयले बाल मनोविज्ञानमा असर पुग्ने खालका सामग्रीहरु बनाइ पोष्ट गर्ने गरेको भनी गुनासो आएकाले त्यसलाई तत्काल रोक्न अनुरोध गरेको हो ।

‘शिक्षक तथा कर्मचारीले कार्यालय समयमा तोकिएको पोशाकमा टिकटक भिडियो लगायत बालमनोविज्ञानमा प्रत्यक्ष असर पुग्ने खालको सामग्री बनाई पोष्ट गर्ने कार्य गरेको भनि गुनासो प्राप्त भएकाले विद्यालयमा कार्यरत शिक्षक तथा कर्मचारीलाई सो कार्य नगर्न नगराउनका लागि आवश्यक समन्वय, सहयोग र सहजीकरणका लागि निर्देशनानुसार अनुरोध छ,’ पत्रमा भनिएको छ ।