असोज १ गते शोक विदा दिने मन्त्रीपरिषद्को निर्णय

काठमाडौं । नेपाल सरकारले आगामी असोज १ गते शोक विदा दिने घोषणा गरको छ । सोमबार बसेको मन्त्रीपरिषद्को बैठकले जेन जी आन्दोलनका क्रममा मृत्यु भएका नागरिकप्रति श्रद्धाञ्जली अर्पण गर्न शोक विदा दिने निर्णय गरहेको हो ।

भदौ २३ र २४ गतेको जेन जी आन्दोलनका क्रममा ७२ जनाको मृत्यु भएको पुष्टि गरिएको थियो। प्रधानमन्त्री सुशीला कार्कीले मृतकलाई शहीद घोषणा गरी प्रत्येक परिवारलाई १० लाख रुपैयाँ क्षतिपूर्ति दिने घोषणा गरेकी छन् । त्यस्तै, आजको मन्त्रीपरिषद् बैठकले थप ५ लाख क्षतिपूर्ति दिने निर्णय गरेको छ । यो सँगै जेन जी आन्दोलनका क्रममा मृत्यु भएका मृतकका परिवारले १५ लाख रुपैयाँ क्षतिपूर्ति पाउने भएका छन् ।