प्रधानमन्त्री बालेन शाहद्वारा उपकुलपतिहरूसँग उच्च शिक्षा सुधारबारे छलफल

काठमाडौं । प्रधानमन्त्री बालेन शाहले आज देशभरका विश्वविद्यालय तथा प्रतिष्ठानहरूका उपकुलपतिहरूसँग समसामयिक विषयमा छलफल गरेका छन् ।

छलफलमा उच्च शिक्षाको गुणस्तर सुधार, विश्वविद्यालयहरूको प्रभावकारी सञ्चालन, अनुसन्धान प्रवर्द्धन, दक्ष जनशक्ति उत्पादन तथा शिक्षा क्षेत्रमा देखिएका चुनौतीबारे विचार आदानप्रदान भएको जनाइएको छ ।

प्रधानमन्त्री शाहले समयअनुसार प्रतिस्पर्धी र परिणाममुखी शिक्षा प्रणाली निर्माणमा विश्वविद्यालयहरूको भूमिका महत्वपूर्ण रहने बताएका छन् । साथै, शिक्षा क्षेत्रको विकासका लागि सरकार र शैक्षिक संस्थाबीच समन्वय आवश्यक रहेको धारणा राखेका छन् ।

उक्त छलफललाई उच्च शिक्षा क्षेत्रमा सुधार र सहकार्य बढाउने सकारात्मक कदमका रूपमा हेरिएको छ ।