कक्षा १२ को परीक्षाको सम्पूर्ण तयारी पूरा, सोमबारदेखि परीक्षा सुरु हुँदै

काठमाडौं । राष्ट्रिय परीक्षा बोर्डले कक्षा १२ को वार्षिक परीक्षाको सम्पूर्ण तयारी पूरा भएको जनाएको छ । बोर्डका अनुसार परीक्षा वैशाख १४ गते सोमबारदेखि देशभर तथा विदेशका तोकिएका केन्द्रमा एकसाथ सुरु हुनेछ ।

यस वर्ष देशभर तथा विदेशमा गरी १ हजार ५ सय २१ परीक्षा केन्द्र निर्धारण गरिएको छ । परीक्षामा कुल ४ लाख १८ हजार ८ विद्यार्थी सहभागी हुनेछन् । तीमध्ये नियमिततर्फ ३ लाख ३२ हजार ७ सय ७८ र आंशिकतर्फ ८५ हजार ८ सय ३० जना रहेका छन् ।

प्रदेशगत रूपमा सबैभन्दा बढी परीक्षार्थी बागमती प्रदेश मा रहेका छन्, जहाँ १ लाख २० हजार ४ सय ७७ जना सहभागी हुँदैछन् ।

सबैभन्दा कम मुस्ताङ जिल्ला मा ३१ जना परीक्षार्थी रहेका छन् । भने सबैभन्दा बढी काठमाडाैंमा रहेका छन् । जहाँ ६४ हजार ३ सय ३८ जना विद्यार्थी परीक्षामा सहभागी हुँदै छन् ।

 त्यसैगरी सबैभन्दा बढी परीक्षा केन्द्र काठमाडौंमा १६१ वटा तोकिएको छ भने सबैभन्दा कम मुस्ताङमा १ वटा केन्द्र रहेको छ । विदेशतर्फ जापानमा १ परीक्षा केन्द्र तोकिएको छ ।

परीक्षा सञ्चालनका लागि बोर्डले ४४ हजार २ सय ४ जना जनशक्ति परिचालन गरेको जनाएको छ । बोर्डले परीक्षा व्यवस्थित, मर्यादित, शान्तिपूर्ण र निष्पक्ष रूपमा सम्पन्न गर्न सबै तयारी पूरा भएको जनाएको छ ।