आज कक्षा १२ को नतिजा सार्वजनिक हुँदै

काठमाडौं । राष्ट्रिय परीक्षा बोर्डले आज कक्षा १२ को परीक्षाको नतिजा सार्वजनिक गर्ने भएको छ । बोर्डका परीक्षा नियन्त्रक कृष्ण शर्मा ले आजै नतिजा सार्वजनिक गरिने जानकारी दिएका छन् ।

यस वर्षको कक्षा १२ को परीक्षा गत वैशाख १४ गतेदेखि २७ गतेसम्म देशभर सञ्चालन गरिएको थियो । परीक्षा सम्पन्न भएको करिब ४५ दिनभित्र नतिजा सार्वजनिक गर्ने लक्ष्यअनुसार बोर्डले उत्तरपुस्तिका परीक्षण, प्राप्ताङ्क प्रविष्टि तथा अन्य प्राविधिक तयारी पूरा गरेको जनाएको छ ।

बोर्डले नतिजा सार्वजनिक गर्नुअघि अन्तिम तयारीको काम सम्पन्न गरेको र आज बस्ने बोर्ड बैठकबाट नतिजा अनुमोदन भएपछि सार्वजनिक गरिने जनाएको छ ।

नतिजा सार्वजनिक भएपछि विद्यार्थीहरूले राष्ट्रिय परीक्षा बोर्डको आधिकारिक वेबसाइट तथा बोर्डले तोकेका अन्य माध्यममार्फत आफ्नो नतिजा हेर्न सक्नेछन् । यस वर्षको नतिजालाई लिएर देशभरका विद्यार्थी र अभिभावक उत्सुकतापूर्वक प्रतीक्षामा रहेका छन् ।

राष्ट्रिय परीक्षा बोर्डले यस वर्ष परीक्षा सम्पन्न भएको छोटो अवधिमै नतिजा सार्वजनिक गर्ने लक्ष्य राखेको थियो । सोही लक्ष्यअनुसार आवश्यक सम्पूर्ण प्रक्रिया पूरा गरी आज नतिजा सार्वजनिक गर्न लागिएको बोर्डले जनाएको छ