यी ७ परीक्षा केन्द्रमा स्नातकोत्तर प्रथम सेमेस्टरको परीक्षा स्थगित

एजुकेशन समाचार साउन १७, २०८३ २१:३०

काठमाडौं । त्रिभुवन विश्वविद्यालय अन्तर्गत मानविकी तथा सामाजिक शास्त्र सङ्कायले स्नातकोत्तर तह प्रथम सेमेस्टरको १८ साउनमा सञ्चालन हुने परीक्षा सात वटा परीक्षा केन्द्रमा स्थगित गरेको छ।

डिनको कार्यालयले आइतबार जारी गरेको सूचनाअनुसार देशका केही स्थानमा पछिल्ला दिनमा उत्पन्न असहज परिस्थितिलाई मध्यनजर गर्दै ती केन्द्रमा तय भएका परीक्षा अर्को सूचना प्रकाशित नभएसम्मका लागि स्थगित गरिएको हो। यद्यपि ११ साउनदेखि देशभर सञ्चालन भइरहेको परीक्षा अन्य तोकिएका केन्द्रमा भने पूर्वनिर्धारित तालिकाअनुसार नै सञ्चालन हुने जनाइएको छ।

स्थगित गरिएका परीक्षा केन्द्रहरू:

महेन्द्र विन्देश्वरी बहुमुखी क्याम्पस, सप्तरी
नेसनल पिपुल कलेज, सप्तरी
रामप्रताप रामप्रसाद तामाङ बहुमुखी क्याम्पस, सिरहा
जेएस मुरारका क्याम्पस, सिरहा
रामस्वरूप रामसागर बहुमुखी क्याम्पस, धनुषा
ठाकुरराम बहुमुखी क्याम्पस, पर्सा
जनज्योति बहुमुखी क्याम्पस, रौतहट

डिन कार्यालयले सम्बन्धित परीक्षार्थीलाई अर्को सूचना जारी नभएसम्म परीक्षा स्थगित भएको जानकारीमा ध्यान दिन तथा आगामी निर्णयका लागि विश्वविद्यालयबाट प्रकाशित आधिकारिक सूचना नियमित रूपमा हेर्न अनुरोध गरेको छ।