Techie IT
  • शनिबार, जेठ ५, २०८१ / Sunday, May 19, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठशिक्षा समाचारआन्दोलनमा जाने शिक्षकलाई महानगरले कारवाही गर्ने

आन्दोलनमा जाने शिक्षकलाई महानगरले कारवाही गर्ने


काठमाडौं । आन्दोलनमा जाने शिक्षकलाई काठमाडौं महानगरपालिकाले कारवाही गर्ने भएको छ । सरकारले ल्याएको विद्यालय शिक्षा विधेयकको विरोधमा आन्दोलनमा उत्रिएका शिक्षकलाई महानगरले कारवाही गर्ने भएको हो ।

प्रस्तावित विद्यालय शिक्षा विधेयकप्रति असन्तुष्टि जनाउँदै बिहीबारदेखि सरकारी शिक्षकहरुले विद्यालय बन्द घोषणा गरेका छन् । महानगरपालिकाले विद्यालय बन्द भए अस्वीकार्य हुने निर्णय गरेको हो ।

महानगरपालिकाका प्रवक्ता नवीन महर्जन विद्यालय शिक्षा ऐनमा काठमाडौं महानगरको पनि असहमति रहेपनि विद्यालय बन्द गरेर असहमति प्रकट गर्ने विषय स्वीकार्य नहुने बताउँछन् । ‘ऐनमा रहेका फरक मत हामी पनि राख्छौं,’ उनले भने, ‘तर, विद्यालय बन्द गरेर निकास निस्किँदैन, बालबालिकाको पढाइ मात्रै प्रभावित हुन्छ ।’
विद्यालय बन्द भए प्रधानाध्यापक र विद्यालयमा हाजिर नहुने शिक्षकलाई कारवाही गर्ने महानगरको निर्णय छ । शिक्षकले तोकिएको आचारण विपरीत काम गरे त्यसलाई निरुत्साहित हुने गरी कारवाही गरिने उनले बताए ।

महानगरले भोलि विद्यालय अनुगमन गर्ने उनले जानकारी दिए । विद्यालय बन्द गरेर पढाइ नहुने अवस्था बनाएमा दोषीेहरुमाथि कारवाही गर्ने महानगरले चेतावनी दिएको छ ।

 



तपाईको प्रतिक्रिया