Techie IT
  • सोमबार, जेठ ७, २०८१ / Monday, May 20, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठशिक्षा समाचारको हुन् आन्दोलनबाट भाइरल बनेका यी शिक्षक ?

को हुन् आन्दोलनबाट भाइरल बनेका यी शिक्षक ?


काठमाडौं । यतिबेला काठमाडौंमा शिक्षकहरुको आन्दोलन चर्किरहेको छ । विद्यालय शिक्षाका विभिन्न प्रावधानमाथि असन्तुष्टि जनाउँदै शुरु भएको शिक्षकहरुको आन्दोलन आज तेस्रो दिन पनि जारी छ ।

यही आन्दोलनमा शिक्षकहरुका विभिन्न गतिविधिले यतिबेला सामाजिक सञ्जालमा चर्चा पाइरहेका छन् । कोही शिक्षकले गीत गाइरहेको, कोही जिन्दावाद, मुर्दावाद, कोही भाषण, कोही सेल्फी खिचिरहेको अवस्थामा भेटिन्थे ।

यहीबिचमा विभिन्न पेसाको नाम लिएर गीत भट्याएका एकजना शिक्षक यतिबेला सामाजिक सञ्जालमा भाइरल छन् । उनी हुन् नवलपरासीस्थित देवचुली नगरपालिकाका शिक्षक होमनाथ न्यौपाने । उनी माध्यमिक तहमा गणित विषय अध्यापन गराउँछन् ।

न्यौपानेको विगतलाई फर्केर हेर्ने हो भने उनले निजामति सेवा खरिदार पदमा झण्डै ६ वर्ष काम गरेका थिए । खरिदारको जागिरबाट राजिनामा दिएर उनी शिक्षण पेसामा आएका थिए ।

न्यौपानेले गणितमा स्नातकोत्तर गरेका छन् । उनले एमएसी गणितमा डिस्टिङ्सन नतिजा हात पारेका थिए । शिक्षण सिकाइका साथै अतिरिक्त क्रियाकलापमा समेत जोड दिएर अध्यापन गराउने उनै न्यौपाने यतिबेला सामाजिक सञ्जालमा भाइरल बनिरहेका छन् ।

न्यौपानेकी पत्नी पनि स्थायी शिक्षिका हुन् । उनको एक छोरी छिन् ।



तपाईको प्रतिक्रिया