Techie IT
  • शनिबार, असार २, २०८१ / Saturday, June 15, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठसमाचारप्रधानमन्त्रीको प्रगति रिपोर्टः यस्ता छन् सरकारले शिक्षामा एक वर्षमा गरेका प्रगति

समाचार

प्रधानमन्त्रीको प्रगति रिपोर्टः यस्ता छन् सरकारले शिक्षामा एक वर्षमा गरेका प्रगति


काठमाडौं—प्रधानमन्त्री पुष्पकमल दाहालले प्रधानमन्त्री भएको एक वर्ष पुगेको अवसरमा प्रगति रिपोर्ट सार्वजनिक गरेका छन् । मंगलबार साँझ राष्ट्रका नाममा सम्बोधन गर्दै उनले मन्त्रालयगत रुपमा प्रगति रिपोर्ट सार्वजनिक गरेका हुन् ।

प्रधानमन्त्रीको प्रगति रिपोर्टमा दुर्गम क्षेत्रसहित देशभरका सामुदायिक विद्यालयमा अध्ययनरत ५२ लाख विद्यार्थीहरूका लागि शैक्षिक सत्र सुरु हुनुअगावै निःशुल्क पाठ्यपुस्तक वितरण गरिएको उल्लेख छ । यसैगरी, शिक्षासम्बन्धी विधेयक, सहिद दशरथ चन्द राष्ट्रिय स्वास्थ्य विज्ञान विश्वविद्यालयसम्बन्धी विधेयक र नेपाल विश्वविद्यालय सम्बन्धी विधेयक संघीय संसदमा पेश भएको पनि प्रधानमन्त्रीले आफ्नो प्रगति रिपोर्टमा उल्लेख गरेका छन् ।

यसैगरी, लुम्बिनी प्रदेशमा नेपाल विज्ञान तथा प्रविधि प्रज्ञा प्रतिष्ठानको विशिष्टीकृत अनुसन्धान केन्द्र, रतपुर अस्पताल र भेरी अस्पताललाई चिकित्सा विज्ञान राष्ट्रिय प्रतिष्ठानको आंगिक अस्पतालको रूपमा सञ्‍चालन गर्ने निर्णय गरेको, शिक्षासम्बन्धी तथ्याङ्‌कमा सहज पहुँचका लागि शैक्षिक सूचना मोबाइल एप सार्वजनिक गरिएको, शिक्षा सेवा आयोगबाट लिइने खुला तथा बढुवातर्फको परीक्षा, विद्यालय शिक्षाको समकक्षता र प्रमाणपत्र, कक्षा १० र कक्षा १२ को समकक्षता र वैदेशिक अध्ययन अनुमति(पत्र पूर्णरूपमा अनलाइन प्रणालीबाट प्रदान गर्ने प्रबन्ध मिलाइएको प्रगति प्रतिवेदनमा छ ।

दाहालले आविष्कार, अनुसन्धान र नवप्रवर्तनका लागि र१ अर्ब रुपैयाँको कोष खडा गर्ने व्यवस्था लाइएको, उच्च शिक्षाको एकीकृत क्यालेण्डर निर्माण गरी कार्यान्वयन प्रारम्भ भएको, तिलगंगा आँखा स्वास्थ्य शिक्षा मानित विश्‍वविद्यालय स्थापनासम्बन्धी विधेयक तर्जुमा गर्न सैद्धान्तिक स्वीकृति प्रदान गरिएको पनि शिक्षातर्फको प्रगतिमा देखाएका छन् ।



तपाईको प्रतिक्रिया

ताजा अपडेट