त्रिविको उपकुलपतिमा प्रा.डा. दीपक अर्याल

काठमाडौं—लामो समयदेखि रिक्त रहेको त्रिभुवन विश्वविद्यालयको उपकुलपतिमा प्रा.डा. दीपक अर्याल नियुक्त भएका छन् । बुधबार त्रिविका कुलपतिसमेत रहेका प्रधानमन्त्री केपी शर्मा ओलीले डा. अर्याललाई त्रिविको उपकुलपति नियुक्त गरेका हुन् ।

यसअघि शिक्षा, विज्ञान तथा प्रविधीमन्त्री रघुजी पन्तको अध्यक्षतामा गठन भएको उपकुलपति सिफारिस समितिले डा. अर्यालसँगै प्रा.डा. विनिल अर्याल, प्रा.डा. खडग केसीका नाम सिफारिस गरेको थियो । सिफारिसमध्येबाट ओलीले डा. अर्याललाई उपकुलपति नियुक्त गरेका हुन् ।

नवनियुक्त उपकुलपति अर्याल जल तथा मौसम केन्द्रीय विभागका पूर्वप्रमुख हुन् ।

२८ चैतमा तत्कालीन उपकुलपति प्रा.डा. केशरजङ्ग बरालले पदबाट दिएको राजीनामा स्वीकृत भएको थियो । त्यसपछि ३१ चैतमा शिक्षा केसीलाई उपकुलपतिको जिम्मेवारी दिइएको थियो ।