त्रिभुवन विश्वविद्यालयका स्नातक तहका परीक्षामा नेपाली र अंग्रेजी दुवै भाषामा प्रश्न सोधिने

काठमाडौं—त्रिभुवन विश्वविद्यालयका स्नातक तहका परीक्षामा नेपाली र अंग्रेजी दुवै भाषामा प्रश्नपत्र‍ तयार पारिने भएको छ । सोमबार त्रिविकी सहकुलपतिसमेत रहेकी शिक्षा, विज्ञान तथा प्रविधीमन्त्री विद्या भट्टराईले सामाजिक सन्जाल एक्समार्फत उक्त जानकारी दिएकी हुन् ।

‘त्रिभुवन विश्वविद्यालयले आगामी वर्षदेखि वार्षिक परीक्षा प्रणालीअनुसार सबै सङ्कायहरूको स्नातक तहका प्रश्नपत्रहरू तयार गर्दा अङ्ग्रेजी र नेपाली दुवै भाषामा सोधिने निर्णय गरेको छ,’ मन्त्री भट्टराईले आफ्नो एक्स अकाउण्टमा भनेकी छन् । त्रिविको प्राज्ञिक परिषद् स्थायी समितिको १५ चैत २०८० मा बसेको बैठकले यो निर्णय गरेको थियो ।

अहिले त्रिविका परीक्षाहरुमा अंग्रेजी माध्यमबाट मात्रै प्रश्न सोधिदैं आइएको छ । त्रिविले आगामी वर्षदेखि स्नातक तहका सबै संकायका वार्षिक परीक्षा प्रणालीका परीक्षाहरुमा सोधिने प्रश्नपत्रमा नेपाली र अंग्रेजी दुवै भाषाका तयार पार्नेछ ।