माट्रिका आइ सेन्टरका रेफ्रयाक्टिभ सर्जन डा. किशोरराज प्रधान सम्मानित

काठमाडौं– पुरानोबानेश्वरस्थित माट्रिका आइ सेन्टरका वरिष्ठ रेफ्रयाक्टिभ सर्जन डा. किशोरराज प्रधान सम्मानित भएका छन् । आइतबार इनर ह्वील क्लब अफ पाटनको ३१ औं चार्टर डे सेलिब्रेसन कार्यक्रमका अवसरमा प्रधानलाई सम्मान गरिएको हो ।

कार्यक्रममा माट्रिकाले विगत लामो समयदेखि नेपालका दुर्गम ठाउँहरुमा गएर नागरिकहरुको निःशुल्क आँखाको शल्यक्रियासहितको उपचार गर्दैै आएको छ । माट्रिकाले पूर्वमा सोलुखुम्बुदेखि पश्चिममा जुम्लासम्मका २० हजारभन्दा बढी मोतिबिन्दु भएका नागरिकको निःशुल्क शल्यक्रिया गरिसकेको छ । त्यसैलाई कदर गर्दै क्लबले प्रधानलाई सम्मान गरेको हो । डा. प्रधान नेपालकै पहिलो रेफ्रयाक्टिभ सर्जनसमेत हुन् । उनले नेपालमा मात्र नभएर विदेशका विभिन्न अस्पतालमा गइ बिरामीको उपचार तथा चिकित्सकहरुलाई तालिमसमेत दिँदै आएका छन् ।

विजयलक्ष्मी शाक्यको अध्यक्षतामा सम्पन्न भएको कार्यक्रममा विभिन्न समाजसेवहीहरुको उपस्थिति रहेको थियो । समाजसेवी मोतिशान्ति शाक्यले देशका धेरै दुर्गम ठाउँमा गएर माट्रिका आँखा केन्द्रले निःशुल्क मोतिबिन्दुको शल्यक्रिया गरेकोमा धन्यवादसमेत दिएका थिए ।