नर्सिङ, एचए र फार्मेसीको शुल्क वृद्धि गर्ने निर्णयबाट सिटीईभिटी ‘ब्याक

काठमाडौं—प्राविधिक तथा व्यवसायिक तालिम परिषद् (सिटीईभीटी) डिप्लोमा तहका स्वास्थ्य शिक्षाका कार्यक्रममा गरेको शुल्क वृद्धि स्थगन गरेको छ । बिहीबार एक सूचना प्रकाशित गर्दै सिटीईभिटीले पिसिएल नर्सिङ, सामान्य चिकित्सा (एचए) र डिप्लोमा इन फार्मेसीको शुल्कवृद्धि गर्ने यसअघिको निर्णय तत्कालका लागि स्थगन गरेको जनाएको हो ।

२९ असारमा परिषद्ले पिसिएल नर्सिङ, एचए र डिप्लोमा इन फार्मेसीको शुल्कमा भारी वृद्धि गरेको थियो।

परिषद्ले यसअघि शुल्क वृद्धि गरेर पिसिएल नर्सिङमा ६ लाख २४ हजार २३० रुपैयाँ शुल्क तोकेको थियो भने एचएमा ५ लाख २३ हजार ८२० रुपैयाँ र डिप्लोमा फार्मेसीमा ४ लाख २३ हजार ६६० रुपैयाँ शुल्क निर्धारण गरेको थियो ।

तर, दुई हप्ता नपुग्दैं सरोकारवालाहरुसँग छलफलपछि मात्रै शुल्क वृद्धि गर्ने भन्दैं परिषद् ब्याक भएको हो ।