Techie IT
  • सोमबार, जेठ ७, २०८१ / Monday, May 20, 2024
  • काठमाडौं
Education Samachar

Education Samachar

Nepal's No.1 Educational News Portal

गृहपृष्ठसमाचारबढी शुल्क अशुल्ने निजी विद्यालयमाथि टोखा नगरपालिकाले कारबाही गर्दै

बढी शुल्क अशुल्ने निजी विद्यालयमाथि टोखा नगरपालिकाले कारबाही गर्दै


काठमाडौं– टोखा नगरपालिकाले तोकेभन्दा बढी शुल्क लिने नगरभित्रका संस्थागत (निजी) विद्यालयलाई कारबाही गर्ने भएको छ । नगरपालिकाले आइतबार विज्ञप्ति जारी गर्दै नगरपालिकाभित्रका केही संस्थागत विद्यालयले मापदण्डभन्दा बढी शुल्क लिएको
पाइएकाले त्यस्ता विद्यालयलाई कारबाही गर्न लागेको जनाएको छ ।

नगरपालिका शिक्षा शाखाका अधिकृत खगेन्द्रसिंह धामीले अनुगमनका क्रममा तोकेको भन्दा बढी शुल्क लिएको, ११ कक्षाको नतिजा समयमै प्रकाशन नगरेको, विद्यालयमा विद्यार्थीमैत्री वातावरण नभएको, शुल्क सम्बन्धमा अभिभावकसँग विवाद रहेको पाइएकाले त्यस्ता विद्यालयलाई कानुनी कारबाही गर्न लागिएको जानकारी दिए ।

अनुगमन तथा निरीक्षणका क्रममा विद्यालयको वातावरण सफासुग्घर नभएको, शैक्षिक सत्र ०८० को शुल्क प्रस्ताव नगरपालिकाको कार्यालयमा पेस नगरेको, अन्य तथा अतिरिक्त शुल्क बढी लिएको, मन्टेश्वरी सञ्चालनका लागि अनुमति लिएर कक्षा तीनसम्म सञ्चालन गरेको पाइएकोले त्यस्ता विद्यालयलाई कारवाही गर्न लागिएको नगरपालिकाले जनाएको छ ।



तपाईको प्रतिक्रिया