जब विव्यस अध्यक्ष आफैं कक्षाकोठामा गएर पढाउन थाले

काठमाडौं । भनिन्छ, विद्यालय व्यवस्थापन समितिका अध्यक्षले विद्यालयको समग्र व्यवस्थापकीय काम गर्ने हो । शिक्षकले जस्तो कक्षाकोठामा गएर नियमित विद्यार्थी पढाउने होइन ।

तर, केही यस्ता विद्यालय व्यवस्थापन समितिका अध्यक्ष पनि जो आफैं कक्षाकोठामा गएर अध्यापन गराउँछन् । उनी हुन्– मोरङ्गको बेलबारी ११ लक्ष्मीमार्गमा रहेको लक्ष्मी माध्यमिक विद्यालय व्यवस्थापन समितिका अध्यक्ष गोबिन्द भण्डारी ।

जसले विद्यार्थीहरुलाई अध्यापन गराउन थालेका छन् । विद्यालयका माध्यमिक तह विज्ञान दरबन्दीका शिक्षक भुपराज अधिकारीले स्वेच्छिक अवकाश लिएर क्यानडा प्रस्थान गरेपछि विद्यार्थीहरुको पठनपाठनमा बाधा नपुगोस् भनेर अर्को शिक्षकको व्यवस्था नभएसम्म भण्डारी आफैंले अध्यापन गर्न थालेका हुन् । अध्यक्ष भण्डारी सोही विद्यालयका पूर्व प्रधानध्यापक समेत हुन् ।

लामो समय सोही विद्यालयमा अध्यापन गराएका उनी सेवानिवृत्त भएपछि सोही विद्यालय व्यवस्थापन समितिका अध्यक्ष बनेका थिए । आज उनी फेरि दोहोरो भूमिकामा कक्षाकोठामा प्रवेश गरेका छन् ।